Aýyl turǵyndary ádettegi jylannyń shekten tys isinip ketkenine qaıran qalady. Tipti, ol tórt túliktiń birin jep qoıǵan bolar dep kúdiktenedi. Artynsha ony óltirip, ishin jaryp kóredi. Jylannyń ishinde ondaǵan jumyrtqa bar eken.
Bul týraly Daily Mail-ge silteme jasap, STAN.KZ jazdy.
Fermerler isinip ketken jylanǵa qarap, onyń asqazany keńeıip ketken bolar dep oılaıdy. Iaǵnı, aınalasyndaǵylarǵa zıany tıer degen oımen ony óltiredi. Osylaısha, Nıgerıa turǵyndary onyń ishinen on shaqty jumyrtqa taýyp alady. Ádette Batys Afrıka turǵyndary jylannyń jumyrtqasyn delıkates retinde tutynady. Bul jylannyń naqty qaı túri ekeni belgisiz. Sebebi, keı jylan kúnine 100 ret jumyrtqalaıdy.
Pikir bildirýshiler fermerlerdiń áreketin quptady. Kópshilik endi on shaqty adamǵa paıdasyz jylannyń týylmaıtynyn meńzedi. Uzyndyǵy birneshe metrge jetetin jylan anakondaǵa uqsaıdy. Alaıda anakondalar tek Ońtústik Amerıkada bar. Sol sebepti, bul jaı ǵana afrıkalyq pıtondardyń biri bolýy múmkin. Ǵalymdardyń zertteýinshe, afrıkalyq pıton – álemdegi eń uzyn jylandardyń biri. Onyń uzyndyǵy 6 metrge deıin jetýi múmkin.
1950 jyly jazylǵan derekterdiń birinde 7 metrlik pıton men taǵy da bir 7,5 metrlik pıtonnyń atyp óltirilgeni jazylǵan. Ózge jylandar sekildi afrıkalyq pıton qoregin aldymen ýlandyryp, artynsha ony ózine soryp alady. Budan keıin ol ony tunshyqtyra bastaıdy. Ádette jan-janýarlar tunshyqqandyqtan emes, júrekteri toqtaǵandyqtan óledi.
Afrıkalyq pıtondar túrli kemirgish, qoltyraýyn, kesirtke, tyshqan, qus, jarqanat, bóken syndy jan-janýarlarmen tamaqtanady. Keıde ol, tipti, sileýsin syndy mysyqtar men kúshikterdi jep qoıýy múmkin.
