Erjúrek Vasılıı Levıt nelikten Janar Duǵalovanyń názik erinderine kóz aıyrmaı qarady? Nege Qaırat Túntekov sahnada turyp, kenetten qasqyr bolyp ulydy? Nege áıgili boksshy Serik Sápıev komandasy úshin janushyrdy? Ár juma saıyn 14.00-de 31 arnadan «Eto Kazahstan, detka» realıtı-shoýyn tamashalańyz! Juldyzdarymyzdyń týǵan eli jaıyndaǵy qıańqy, tosyn suraqtarǵa jaýap bergende qalaı tosylǵanyn óz kózińizben kóresiz, - dep habarlaıdy Qamshy.kz.

- Bir akterge qaljyńdadym dep qoryqpańyz. Tek ýaqytynda keshirim suraı almasańyz qorqyńyz! – dep ázildedi shoýdyń júrgizýshisi, tanymal akter, prodúser Daýt Shaıhıslamov, televıktorınaǵa qatysýshy olımpıada jeńimpazdary, elimizge tanymal boksshylar Vasılıı Levıt pen Serik Sápıevti kópshilikke tanystyryp turyp. Qazaqstandyq kórermender arasynda tanymaldyqqa ıe bola bastaǵan jańa shoýdyń kezekti bir túsirilimine tanystyrýdy qajet etpeıtin kil jeńimpazdar jınaldy. Olardyń ishinde, Ádemi, Janar Duǵalova jáne Qaırat Túntekov pen Adam bar. Oryndaýshylardyń árqaısysy álemdik deńgeıdegi saıystarda Qazaq eline altyn medal men birinshi dárejeli dıplom syılaǵan týma talanttar. Al bul joly 31 arnanyń prodúserleri olardyń týǵan eli jaıyndaǵy bilimin synǵa salyp kórýge bel býdy.

Shynyn aıtý kerek, júrgizýshiniń suraqtary qatysýshylardy birneshe ret tyǵyryqqa tiredi. Aqtóbe turǵyndary kóp ýaqytyn qumda ótkizedi degen ras pa? shortandyny Býrabaıdaǵy eń tereń kól dep ataýǵa bola ma? Ermek Tursynovtyń qandaı fılmderi Oskarǵa nomınant boldy? Qazaqstanda toıǵa aqshadan basqa ne syılaıdy? Qazaqstandyqtardy shetelde qandaı belgilerine qarap tanıdy?

…Ádemi oılanyp únsiz turdy, Serik Sápıev qarsylas komandanyń kórermenderdiń sybyryna qulaq túrip, kózdi baqyraıtyp qoıyp, olardan kómek suraǵanyna, onyń komandasyna qıyn tapsyrmalar beriletinine qatty ashýlandy. Janar Duǵalova mýzykalyq baıqaýda qatty qobaljyǵany sonsha, óziniń oryndaýyndaǵy ándi bilmeı qaldy! Sol kezde Adam Gıl bastaǵan qarsylas komandadaǵy Qaırat Túntekov, Ádemi jáne Serik Sápıevterdiń qalaı qýanǵanyn kórseńiz ǵoı!

Tez arada esin jıý kerek ekenin túsinip, ánshi birden eńsesin kóterdi. Televıktorınanyń baıqaýlarynyń birinde Janar Duǵalova Dostoevskııdi jaqsy kóretinin aıtyp qalsa, taǵy birinde Vasılıı Levıtke qazaq tilindegi sózderdiń qalaı durys aıtylatynyn ernimen kórsetip, belgili boksshy ustazynyń qımyl-qozǵalysyna arbalǵan tártipti oqýshydaı ánshiniń erninen kóz almaı, kúrdeli sóz tirkesterin múdirissiz qaıtalap shyqty. Sodan keıin borsyqtar nelikten Qazaqstanda kúnniń ysýyna sebep bolady degen suraqqa oılanbastan jaýap berdi. Bógetterdiń kóptigine baılanysty dep oılaısyz ba? Qatelesesiz, qymbatty kórermen! Durys jaýapty bilgińiz kelse, aldaǵy jumada saǵat 14.00-de 31 arnany qosyńyz! «Eto Kazahstan, detka» televıktorınasy saýatyńyzdy ashyp qana qoımaı, sizdiń jáne jaqyndaryńyzdyń kóńilin kóteredi!

- Logıkalyq suraqtarǵa oılandyq, maǵan sonysy unady! – dep óz oıymen bólisti Ádemi esimdi ánshi túsirilimnen keıin. – Osyndaı baǵdarlamalar, ásirese balalarǵa arnalǵany kóp bolsa!

- Kóńildi baǵdarlama, jaqsy demalyp qaldym, - deıdi Serik Sápıev. – 31 arnaǵa osyndaı shoýlar kóp bolsyn deımin. Sáttilik tileımin.

- Men eshqandaı da qınalǵan joqpyn, kóńildi baǵdarlama, zaldyń atmosferasy da unady, - dep áriptesimen kelisetinin bildirgi Vasılıı Levıt.

- Shynymdy aıtsam, budan da kúrdeli tapsyrmalar bolatyn shyǵar dep oılaǵanmyn, negizinde, biraz oılansań jetip jatyr eken. Kóńildi shoý! – dep, Janar Dýgalova baǵdarlamaǵa qarsy emes ekenin bildirdi. Anyq-qanyǵyn bilgińiz kelse, juma kúni 14.00-de 31 arnany qosyńyz!