Pákistanda turatyn aǵaıyndy Abdýl Rashıd pen Shoaıb Ahmed óte sırek kezdestin qupıa aýrýdyń zardabyn tartýda,-  dep habarlaıdy  Qamshy.kz mediadum.com portalyna silteme jasap.

Abdýldyń jasy toǵyzda,  aǵasy Ahmedtiń jasy 13-te. Aǵaıyndylar kúndiz denderi saý, qarapaıym adamdar daı júredi de, kún batqanda olar adam aıtsa sengisiz kúıge túsedi. Aınalasynda ne bolyp jatqanyn estip tursa da, sóıleı almaı, tolyǵymen sal bolyp qalady.

Ákesi uldaryn kúnniń kózinen qýat alatynyn aıtyp, "kún balalary" dep atap ketken. Bir tań qalarlyǵy balalar kúndizdiń ózinde qarańǵy jerde ózderin óte jaqsy sezinedi, tipti jańbyrly kúnderi kúndi bult jaýyp tursa da, olar ózge adamdar sekildi tirshiligin jasaı beredi. Tek kesh batsa boldy, beımálim kúıden aryla almaıdy.

Qazirgi kezde bul erekshe qubylysqa Pákistan ýnıversıtetiniń medısına doktory Djaved Akram zertteý júrgizý ústinde.

«Biz shyn máninde ne bolyp jatqanyn anyqtaýǵa mindettimiz. Bizdiń mamandar  bul balalardyń kúndiz el qatarly júrip, al kesh batqanda búkil kúshinen aıyrylyp, tipti kózin asha almaıtyn dárejege jetýiniń sebebin anyqtaýǵa tyrysyp jatyr", - deıdi ol.

Balalardyń ákesi  Mohammed Hashım (Mohammad Hashim) balalaryn qandaı tylsym kúshtiń qınaıtynyn anyqtaýdan sharshaǵan. Ol balalaryn bireý oqytyp tastady dep otyr.  Sol úshin túrli emshilerdi emdep, tabanynan tozyp júr. Sonymen qatar ol balalaryn dinge baýlýda.

 Balalar shamamen 300 zertteý men testterden ótken, mundaı sharasyz tań qalmasqa bolmaıtyn qubylystyń mán-jaıyn eshkim áli túsindire almaýda.  Dárigerler muny genetıkalyq anomalıa, ıaǵnı aǵaıynda baýyry men ápkesiniń nekesi saldary bolýy múmkin degen boljam jasap otyr. Olardyń alty balasy bolǵan, onyń ekeýi erterekte qaıtys bolǵan. Balalardyń eki qaryndasy bar, biraq olar mundaı dertten ada.  

«Kún balalarynyń» jumbaǵyn sheshýge álemniń barlyq medısına qyzmetkerleri bastaryn qatyrýda.  Ázirshe, balalardyń aýrýrlaryn báseńdetetin terapıa oılap tabyldy.

Qazir aǵaıyndylar saǵat keshki 10-ǵa deıin saý júre alady. «Qazir olardyń jaǵdaıy jaqsardy. Aldaǵy ýaqytta tolyqtaı jazylyp ketedi dep senemiz!» ,- deıdi aǵaıyndylardyń ákesi.

Óz aýrýlaryna qaramastan balalarǵa dárigerler men Baq ókilderi qatty unaıdy eken. Olar zertteýý kezindegi dámdi tamaqtardy aıtyp, máz bolysady. Óskende Shoaıb mektemte ustaz bolamyn dese, Abdýl dinı bilimin jalǵastyrǵysy keledi eken.