Túrik akademıasynyń prezıdenti, «Egemen Qazaqstan» gazetiniń basshysy Darhan Qydyráli Ázirbaıjan Ulttyq Ǵylym Akademıasy Nızamı atyndaǵy Til jáne ádebıet ınstıtýtynyń Qurmetti doktory atandy. Bul týraly ol Facebook-te bólisti. Saltanatty rásim búgin Bakýde ótken İ Túrkologıa kongresiniń 90 jyldyǵyna arnalǵan jıynda bolǵan. Qurmetti doktor dıplomyn tapsyrǵan Nızamı ınstıtýtynyń dırektory Isa Gabıbbeıli qazaq ǵalymyna túrki dúnıesindegi rýhanı baılanystardy damytý jolyndaǵy eńbegi úshin alǵys aıtyp, shyǵarmashylyq tabys tiledi.
Aıta ketsek, Túrkologıa ǵylymynyń mamandary osydan 90 jyl buryn Bakýde bas qosyp, túrkitaný ǵylymdarynyń zańdylyqtary boıynsha, túrki ádebıeti, túrki tili, túrki tarıhy boıynsha óte mańyzdy sheshimder qabyldaǵan bolatyn. Alǵashqy kongres 1926 jyly ótti. Oǵan Qazaqstannan Alash Qaıratkeri Ahmet Baıtursynuly qatysqan bolatyn.
Osy jyldyń sáýir aıynda bul ataq qazaq aqyny ári qoǵam qaıratkeri Oljas Súleımenovke berilgen bolatyn.
