Áleýmettik jelide qar astynda qalyp, qulap qalǵan shyny ǵımarattyń vıdeosy paıda boldy. Vıdeo túsirýshilerdiń sózderine qaraǵanda bul ǵımarat «EXPO 2017» Ekspo alańyndaǵy pavılondardy jalǵaǵan kópir. Vıdeony sol mańdaǵy qurylysshylar júktegen.
Osy máselege baılanysty «Astana EKSPO-2017» ulttyq kompanıasy baspasóz qyzmetiniń jetekshisi Sergeı Kýıanov málimdeme jasady. «Oqıǵa túste boldy. Zardap shekkender joq. Qulaǵan ǵımarat - eki pavılonnyń arasyn jalǵap turǵan dekoratıvti konstrýksıa edi. Merdiger - BI Group kompanıasy. Búkil shyǵyndy esepteıtin, qulaǵan jerdiń kólemin esepteıtin de sol kompanıa. Ekinshi jaǵynda turǵan ekinshi konstrýksıa qulaı ma, joq pa ony sol merdiger kelip kóredi», - degen S.Kýıanov.
Aıta keter bolsaq, kelesi jyly jazda Astanada «bolashaq energıasy» atty «EXPO 2017» ulttyq kórmesi ótedi. Kórme qurylystaryna – $3 mıllıard bólingen. Jergilikti qurylys salýshylar - BI Group holdıńi, «Bazıs-A» korporasıasy, «SredAzElektroMontaj» kompanıalary bolyp tabylady.
Buǵan deıin «EXPO 2017» ulttyq kompanıasyna basshy bolǵan Talǵat Ermegıaev isti bolǵan bolatyn. Qazir atalǵan kompanıany Almatynyń eks-ákimi Ahmetjan Esimov basqarady.
