«EKSPO»-da qırap qalǵan kópirge qatysty derek boıynsha qylmystyq is qozǵaldy. İshki ister mınıstrligi qurylys aýmaǵyndaǵy apat bolǵan jerdi jiti tekserip jatyr.
Bul týraly Ktk arnasy habarlaıdy.
Qalmuhanbet Qasymov, QR İshki ister mınıstri:
-Qazir tehnıkalyq saraptama júrgizip jatyrmyz. Sebebin anyqtaıyq, keıin sheshim shyǵaramyz. Bireý qasaqana kesip tastaǵan shyǵar. Nemese qurylys materıaly sapasyz bolýy múmkin. Barlyǵyn anyqtaımyz.
Astanadaǵy halyqaralyq kórme ótetin aýmaqtaǵy ásemdik úshin salynǵan 90 metrlik kópir opyrylyp qalǵan edi. Ótkel týra Qazaqstanǵa tıesili ulttyq nysan men sheteldikterge arnalǵan pavılondy baılanystyryp turǵan. «EKSPO» aımaǵyndaǵy apat túski ýaqytta bolǵandyqtan adam shyǵyny joq. Kópirdi salǵan "BI Group" oqys oqıǵaǵa qatysty birneshe boljam jasady. Qurylys kompanıasy basshysynyń aıtýynsha, nysandy jobalaǵanda qate ketken, qurylys talaptary buzylǵan nemese materıal sapasyz bolýy múmkin. Qalaı bolǵanda da, kelgen shyǵyndy "BI Group" ózi óteıdi.
