Brıtandyq BBC World News efırinde Qazaqstan týraly kezekti beınerolık shyqty, dep habarlaıdy QazAqparat.
«Jobanyń ereksheligi sol, biz Qazaqstandy 19-ǵasyrda ómir súrgen brıtandyq geograf Tomas Atkınson men áıeli Lúsı Atkınsonnyń kózimen kóre aldyq. Tomas pen Lúsıdiń tańǵajaıyp oqıǵasy týraly Anglıadaǵy jáne búkil álemdegi dostarym jaqsy biledi. Ókinishke qaraı, olardyń deni sondaı-aq, qazirgi Qazaqstan týraly bile bermeıdi. Bul shaǵyn fılmdi eń kemi 444 mıllıon adam (BBC World News telearnasynyń halyqaralyq aýdıtorıasy) kórip, Qazaqstanǵa qyzyǵýshylyq tanytady degen úmitemiz», - dep jazǵan óziniń Facebook paraqshasyna BBC Worldwide komersıalyq ókildiginiń basshysy Sergeı Stanovkın.
Eske sala ketsek, bıylǵy shilde-qyrkúıek aılarynda BBC World News Almaty týraly jarnamalyq rolıkter kórsetken edi.
