Qyrǵyzstan parlamentiniń depýtaty, opozısıalyq «Ata Meken» fraksıasynyń jetekshisi Omýrbek Tekebaev prezıdent Almazbek Atambaevqa ımpıchment jarıalaý prosesin bastaýdy usyndy, dep habarlaıdy Azattyq.

Tekebaev "Atambaev pen onyń mańaıyndaǵylar bılikti zańsyz basyp alyp, opozısıalyq partıalardyń quqyǵyn shektep jatyr. Al Atambaevtyń ózi prezıdent qyzmetin asyra paıdalanyp otyr" dedi.

22 qarashada Tekebaev resmı túrde "Ata Meken" fraksıasy prezıdentke ımpıchment jarıalaýǵa qujattar jınaýdy bastaǵanyn aıtty. Al Qyrǵyzstan prezıdentiniń apparaty Atambaevqa ımpıchment jarıalaý bastamasyn "shoý" dep ataǵan.

Qyrǵyzstan konstıtýsıasynda prezıdentke ımpıchment jarıalaý úshin depýtattardyń kem degende úshten biri qoldaý kerek. Buǵan qosa konstıtýsıaǵa saı prezıdentke taǵylǵan aıyp úsh aıda dáleldenbese, negizsiz dep tanylady.