Búgin Túrkistan qalasynda taǵy da aıtýly shara. Táýelsizdiktiń 25-jyldyǵy qarsańynda  qala turǵyndarynyń qýanyshynda shek joq. Kópten beri sheshimin taba almaı kele  jatqan túıtkildi másele búgin oń nátıjege qol jetkizýde. Ol «Nur-Ásem» mal bazarynyń ashylýy. Ashylýǵa arnaıy baryp lentasyn qıǵan qala ákimi bazar ujymyna tabys tiledi.

 Bazar basshylyǵy-jeke kásipker Ábsámat Mátkárimuly standartqa saı sońǵy úlgidegi, ashylǵan bul orynda eki júz adamdy jumyspen qamtıtynyn tilge tıek etti.

Túrkistan qalasy jáne aýyldyq okrýgterdiń negizgi kúnkóris salasy mal men egin sharýashylyǵy ekeni  belgili.Jyl ótken saıyn mal basynyń artýy kóńil qýantady.Sonyń ishinde İQM basy 81994 bas  106,5%-ǵa, qoı-eshki 437577 bas 104,5%-ǵa, jylqy 9983bas 108,5%-ǵa, túıe 2742 bas 105,4%-ǵa artty, shoshqa 1089 bas, 82,4% quraǵan.

Memlekettik baǵdarlamalar aıasynda mal basyn asyldandyrý salasy da ilgeri damyp keledi.  Búgingi tańda el ekonomıkasynyń qozǵaýshy kúshine aınalǵan shaǵyn jáne orta kásipkerlikke memleket tarapynan erekshe qoldaý kórsetilip jatqany belgili. Sonyń ishinde jeke kásipkerlikti qoldaý.

Búginde álemdik deńgeıdegi «Damý konsepsıasy» tujyrymdamasy jasalyp jatyr. Onda órkenıetti jáne dymyǵan qalalardyń standarttyq talaptarǵa sáıkes kelýi basty nazarda. Sol úshin de tujyrymdamaǵa sáıkes qalamyz qurylymy, bazarlar júıesi  boıynsha jalpyǵa birdeı standartqa saı bolýy kerek. Eski mal bazardyń qala kelbetine jáne de sanıtarlyq talaptarǵa sáıkes kelmeýin eskerip, kásipkerge yńǵaıly jer usynylǵan bolatyn. Osy zamanaýı úlgidegi jańa mal bazar halyqtyń ıgiligine jaraıtyn bolady.