Qarjy kózderin munaımen toltyryp otyrǵan DAISH últraradıkaldy terrorlyq toby munaı qudyqtary koalısıalyq kúshter tarapynan nysanaǵa alynǵandyqtan, tabys kózi retinde qarapaıym azamattar men áskerı adamdardyń organdaryn sata bastaǵan, dep habarlaıdy «Qamshy» portaly.

Iraktan taralatyn ál-Súmerıe telearnasynyń habaryna qaraǵanda, terror uıymynyń qarjylyq kózderi qysyla bastaǵan soń olar osy organ saýdasyna kóshken.

Habarda, «DAISH-tyń yqpalyndaǵy medısınalyq jasaq, Nınova aýrýhanalaryndaǵy 85 DAISH múshesiniń búırekterin men basqa da organdaryn» urlady delingen. Ol organdar qala syrtyndaǵy basqa aýrýhanaǵa áketilipti.

Habarǵa saı, qarapaıym azamattardan jáne sot saraptamasyna ákelingen múrdelerden de organdar urlanyp kelgen.