Oblysymyzda sút óndirý jáne óńdeý salasy jyldan-jylǵa damyp keledi. Máselen, Tólebı aýdanyndaǵy «Fýdmaster» zaýytynyń qosymsha 20 myń tonna sút qabyldaýǵa qýattylyǵy jetedi. Túlkibastyqtar da sút óńdeýge talaptanyp jatyr. Al, Qazyǵurtta sút untaqtaryn óndirýge arnalǵan joba maquldanǵan. Olar jańa tehnologıamen jabdyqtalǵan zaýytty iske qospaq. Saıram aýdany da – sút bulaǵy. Olar da bul salany damytýdy kózdep otyr.
«Ońtústik» arnaıy ekonomıkalyq aımaǵynda toqyma salasy barynsha qarqyn alyp keledi. Fabrıkalarǵa shıkizat kerek. Sol úshin de Maqtaaral aýdanynda maqta sharýashylyǵyn qaıta qolǵa alýdy oblys basshysy mindet etip qoıdy. Qazir qolda bar maqtanyń 30 paıyzyn jergilikti toqyma fabrıkalary alyp jatyr. Jalpy, aımaqta toqyma salasy jan-jaqty órkendemek. Endeshe, jańa toqyma fabrıkalaryna shıkizat syrttan tasymaldanbaýy tıis. Maqta egistiginiń kólemin ulǵaıtý baǵytyndaǵy óńir basshysynyń tapsyrmasy osyǵan negizdelgen. Bıyl 2,5-3 mıllıard teńge maqta sharýashylyǵyna baǵyttalmaq. Sý, tehnıka, tuqymdyq shıt máseleleri de ret-retimen sheshimin tappaq.+
Shardara, Otyrar aýdandary men Túrkistan, Arys qalalary júgeri men kókónis ósirýge qolaıly. Sondyqtan osy aımaqtarda jańadan 80 myń gektar jer aınalymǵa qosylady. 20 myń gektardan astam jerdiń sý júıeleri jańǵyrtylady. Mal azyǵyna degen suranys qaı kezeńde de ózekti. Osy suranysty óteý maqsatynda Otyrar aýdanynda qosymsha júgeri óńdeý jáne saqtaý zaýyty salynady.
Sabyrbek OLJABAI, «Ońtústik Qazaqstan» gazeti.
