Qazaqstan úshin Polsha mańyzdy seriktes. Bul rette Qazaqstan men Polshanyń saýda-ekonomıkalyq qarym-qatynastaryn ári qaraı damytý kepili eki eldiń kóliktik-kommýnıkasıalyq kesheniniń turaqty jumys isteýi bolyp tabylady.
Aǵymdaǵy jyldyń 23 tamyzynda Memleket basshysynyń Polshaǵa resmı saparynyń barysynda ekonomıkalyq ózara baılanysty arttyrý úshin Qazaqstan men Polsha arasynda senimdi kólik joldaryn qamtamasyz etý mańyzdylyǵy atap ótildi.
2016 jylǵy 15-16 qyrkúıek arasynda Almatyda buryn qol jetkizgen ýaǵdalastyqtardy oryndaý úshin 1997 jylǵy 23 mamyrdaǵy Qazaqstan Respýblıkasy men Polsha Respýblıkasy arasyndaǵy halyqaralyq avtomobıl tasymaldary týraly úkimetaralyq kelisimniń sheńberinde Halyqaralyq avtomobıl tasymaldary jónindegi Qazaqstan-Polsha aralas komısıasynyń kezekti otyrysy ótkizildi.
Taraptar Qazaqstan men Polsha arasyndaǵy júk tasymaly kólemi týraly aqparatpen almasyp, eki el arasyndaǵy tasymaldar kólemi dınamıkasynyń jaqsarǵanyn atap ótti.
2015 jyly Qazaqstan men Polsha arasyndaǵy avtomobıl kóligimen júk tasymaldaý kólemi 4% ulǵaıyp, 165 myń tonnany qurady. Avtomobıl kóligimen tasymaldanatyn negizgi júkter ósimdikten óndiriletin azyq-túlikter, daıyn tamaq ónimderi, dándi jáne un-jarma ónimderi, mehanızmder men jabdyqtar, sondaı-aq mal ónimderi.
2016 jyldyń birinshi jartysynda ekijaqty tasymal kólemi shamamen 100 myń tonnany qurady.
2016 jyldyń birinshi jartysynda 2015 jyldyń sáıkes merzimimen salystyrǵanda otandyq tasymaldaýshylarmen oryndalatyn reıster sany 43 % ulǵaıdy.
Kelissózder qorytyndysy boıynsha 2016 jylǵa júk tasymaldary úshin qosymsha ruqsat blankilerimen almasý kvotasy belgilendi.
Otyrys qorytyndysy boıynsha Hattamaǵa qol qoıyldy.
