Búgin Astanada Qazaqstan men Reseı yntymaqtastyǵynyń óńiraralyq XIII forýmy aıasynda «Eýrazıalyq keńistiktegi kólik-logıstıkalyq áleýetti damytý» taqyrybynda eki eldiń resmı tulǵalarynyń jáne iskerlik ortalarynyń qatysýymen qazaqstandyq-reseılik bıznes-forým ótýde.

İs-sharaǵa Qazaqstan Respýblıkasynyń Prezıdenti Nursultan Nazarbaev, Reseı Federasıasynyń Prezıdenti Vladımır Pýtın qatysady. Sodaı-aq, 1300-den astam memlekettik organdardan, kvazımemlekettik jáne Qazaqstan men Reseıdiń iri jeke kompanıalardan ókilder qatysýda.

Qazirgi ýaqytta Qazaqstanda reseılikterdiń  qatysýymen 6453 kompanıa sátti jumys istep jatyr. Olardyń qatarynda ekonomıka, munaı men gaz óndirý, óńdeý ónerkásibi, kólik, baılanys, mashına jasaý, ǵaryshtyq saladaǵy yntymaqtastyq, atom energıasyn beıbit maqsatta paıdalaný sıaqty salalar bar.

Reseı men Qazaqstannyń óńiraralyq yntymaqtastyq forýmdary 2003 jyldan bastap ótkizilýde. Aldyńǵy forým 2015 jyly Sochı qalasynda «Agroónerkásiptik keshen salasyndaǵy yntymaqtastyq jáne azyq-túlik qaýipsizdigin qamtamasyz etý» taqyrybynda ótken bolatyn.

Reseı dástúr boıynsha Qazaqstannyń eń iri saýda áriptesi bolyp tabylady. Qazaqstan men Reseı arasyndaǵy taýar aınalymy 2015 jyldyń qorytyndysy boıynsha 14,57 mlrd. AQSH dollaryn qurady, onyń ishinde eksport – 4,34 mlrd. AQSH dollary, ımport – 10,23 mlrd. AQSH dollary.