«Batys Eýropa – Batys Qytaı» jobasy boıynsha atqarylyp jatqan jumystyń basynan bastap 2 028 shaqyrymy aıaqtaldy. Bul týraly QR Investısıalar jáne damý mınıstri Jeńis Qasymbek «Nurly jol» baǵdarlamasynyń oryndalý barysyna arnalǵan Úkimet otyrysynda aıtty.
Shymkent qalasynan Reseı shekarasyna deıingi (Orynborǵa) jáne Taraz-Almaty ýchaskelerindegi jol paıdalanýǵa berildi.
Almaty – Qorǵas (304 km) baǵytyndaǵy jumystar jalǵasyp jatyr, sondaı-aq Shymkent – Tashkent (100 km) jáne Shymkent qalasy men Jambyl oblysy aralyǵyndaǵy (81 km) ýchaskelerde jóndeý jumystary jalǵasýda, jyl sońyna deıin bul aralyqtaǵy jóndeý jumystary aıaqtalady.
«Ortalyq-Ońtústik» jobasy boıynsha (Astana-Almaty)
Osy baǵyt boıynsha 2013 jyldan bastap Astana-Temirtaý (171 km) jáne Almaty-Qapshaǵaı (104 km) ýchaskelerinde jóndeý jumystary bastaldy. Búgingi kúni Astana-Temirtaý ýchaskesiniń 12 shaqyrymy jáne Almaty-Qapshaǵaı ýchaskesiniń 72 shaqyrymy paıdalanýǵa berildi.
«Ortalyq-SHyǵys» jobasy boıynsha (Astana-Óskemen)
Atalǵan baǵyttaǵy jumystar 2013 jyldan beri Astana-Pavlodar (441 km) jáne Pavlodar-Semeı-Qalbataý (473 km) ýchaskesinde júrgizilýde. Búginge kúnge deıin 218 shaqyrymy paıdalanýǵa berildi. Onyń 47 shaqyrymy - Astana-Pavlodar, 171 shaqyrymy - Pavlodar-Semeı-Qalbataý ýchaskesi. Bıyl jyl sońyna deıin Astana-Pavlodar ýchaskesi boıynsha 220 shaqyrymnyń bir baǵyty ashylady jáne Ertis ózeniniń ústinen salynyp jatqan (12 km) kópir qurylysy aıaqtalady dep josparlanyp otyr.
«Ortalyq-Batys») jobasy boıynsha (Astana-Aqtóbe-Atyraý-Aqtaý
Atalǵan baǵyt boıynsha qashyqtyǵy 470 km - Beıneý-Aqtaý ýchaskesinde qurylys jumystary júrip jatyr. 2014 jyly 200 shaqyrymynda qozǵalys ashyldy. Sonymen birge Aqtóbe-Atyraý ýchaskesiniń 26 shaqyrymynda qurylys jumystary júrip jatyr.
