Ortalyq komýnıkasıalar qyzmetinde táýelsiz elimizdiń 25 jyl ishindegi mashına jasaý salasyn damytýǵa arnalǵan baspasóz konferensıasy ótti.
Oǵan Qazaqstan Respýblıkasy Parlamenti Májilisiniń depýtaty, «Qazaqstan mashına jasaýshylar odaǵy» ZTB Basqarmasynyń tóraǵasy Meıram Pishembaev pen Qazaqstan Respýblıkasy Investısıalar jáne damý mınıstriniń birinshi orynbasary Albert Raý qatysty.
Meıram Pishembaev óz sózinde bul salanyń táýelsizdik jyldarynda aıtarlyqtaı ósim kórsetkenin tilgshe tıek etti. «90-jaldary óńdeýshi ónerkásipte mashına jasaý salasynyń úlesi shamamen 15 % qurady. 90-jyldardyń sońyna qaraı atalmysh kórsetkish 5%-ǵa deıin tómendedi. Alaıda, eldiń jáne Memleket basshysynyń belsendi qoldaýynyń arqasynda sala bir orynda turyp qalmady. Qazaqstan Respýblıkasy táýelsizdik alǵannan beri mashına jasaý óndirisiniń kólemi 17 esege ósti. Óndiris 2013-2014 jyldary eń joǵarǵy kórsetkishke jetti. Bul ýaqytta tabys jylyna 950 mlrd. teńgeni qurady» - dedi mashına jasaýshylar odaǵynyń basshysy.
90 jyldardyń ortasyndaǵy daǵdarysta negizgi kapıtalǵa ınvestısıa 60 ese ósti. 2015 jyldyń qorytyndysy boıynsha 56 mlrd.teńgeni qurady,-dep atap ótti Pishembaev.
Búginde, mashına jasaý salasynyń álemdik kóshbasshylary General Electric, General Motors, Toyota, Alstom, Talgo, LG qatysýymen Qazaqstanda buryn sońdy elde shyǵarylmaǵan – lokomotıv, elektromobıl, tikushaq sıaqty jańa joǵary tehnologıalyq ónimder paıda boldy.
Albert Raý óz kezeginde QR IID memlekettik baǵdarlamasynyń mashına jasaý kesheniniń damýyna tyń serpin bergenin aıtyp ótti. «Indýstrıalandyrý baǵdarlamasyn iske asyrýdyń alǵashqy besjyldyǵynda mashına jasaý qarqyndy damyp jatqan salaǵa aınaldy: Óndiris kólemi 2010 jyly 376 mlrd. teńge bolsa, 2014 jyly 905 mlrd. teńgege deıin ulǵaıdy. Iaǵnı, 2,4 ese» - dedi QR Investısıalar jáne damý mınıstriniń birinshi orynbasary.
Onyń aıtýynsha, ındýstrıalandyrý memlekettik baǵdarlamasy aıasynda qazaqstandyq kásiporyndar joǵary tehnologıalyq ónim daıyndaý úshin óndiriste zamanaýı tehnologıalar men jabdyqtardy paıdalanýda.
