Prosedýralardy avtomattandyrý maqsatynda QR ınvestısıalar jáne damý mınıstrligi geologıa jáne jer qoınaýyn paıdalaný boıynsha ınteraktıvti kartany iske qosty. Onda Qazaqstannyń búkil aýmaǵynyń geologıalyq kartalary ornalastyrylǵan. Endi qoldanystaǵy jáne josparlanyp otyrǵan kelisim-shart aýmaqtary boıynsha aqparat alýǵa bolady. Atalmysh ınteraktıvti karta jetildiriletin bolady. Iaǵnı, jer qoınaýyn paıdalaný quqyǵyn berý men onlaın rejımde baqylaý júrgizý josparlanǵan.
Sonymen qatar, jer qoınaýyn paıdalaný quqyǵyn berýdiń jeńildetilgen jańa tásilderi (avstralıalyq tájirıbe) engizilip otyr. Aqmola oblysy Stepnogorsk qalasynyń mańaıyndaǵy tolyq zerttelmegen ýchaskelerde osy tásilder paıdalanylyp, jýyrda bekitilgen 17 kelisim boıynsha qoldanyla bastady. Jyl sońyna deıin Shyǵys Qazaqstan oblysyndaǵy tolyq zerttelmegen ýchaskelerde jumystar bastalyp, ary qaraı bul jumys respýblıkanyń barlyq aýmaǵyn qamtymaq.
Mınıstrlik halyqaralyq CRIRSCO komıtetiniń quramyna kirý boıynsha jumystar júrgizip, álemdik qaýymdastyqqa qoǵamdyq eseptilik standarttaryna arnalǵan geologıalyq barlaý jumystarynyń nátıjesi boıynsha mıneraldyq resýrstar men qorlar jaıynda tanystyrý jumystaryn atqardy.
Sondaı-aq, barlyq júrgizilgen reformalardyń sheshýshi kezeńi retinde «Jer qoınaýy jáne jer qoınaýyn paıdalaný týraly» QR Kodeksi jobasyn damytý bolmaq. Bul rette vedomstvo, kodekstiń jer qoınaýyn paıdalaný salasyndaǵy álemdik standartqa saı keletin úzdik «serpindi» zańnamalyq akt bolýyn qalaıdy.
Joǵaryda atalǵan jańalyqtar geologıalyq barlaý boıynsha ınvestısıalyq tartymdylyqty arttyrady jáne shaǵyn kompanıalardyń damýyna yqpal etedi. Sonymen qatar, salaǵa qosymsha ınvestısıa tartýǵa septigi tıetin bolady.
