Búgin QR Investısıalar jáne damý mınıstri Jeńis Qasymbek «Nur Otan» partıasynyń Respýblıkalyq qoǵamdyq qabyldaýynda azamattardy jeke máseleleri boıynsha qabyldady.
Mınıstr Jeńis Qasymbektiń qoǵamdyq qabyldaýyna kelgen azamattardyń suraqtary kóbinese ómirdiń túrli salalaryna ınovasıalyq tehnologıany engizý máselelerine baılanysty boldy. Budan bólek, Astana turǵyndary men basqa oblystyń ókilderi mınıstrge beıne konferensıalyq baılanys arqyly óz suraqtaryn qoıý múmkindigine ıe boldy.
Astana qalasynda Balalar nevrologıalyq ortalyǵyn qurý jobasyn júzege asyrýǵa grant pen tehnologıa transfertin alý máselesi boıynsha mınıstrge «Varus trade» kompanıasynyń bas dırektory Aıgúl Abdýalıva júgindi. Onyń aıtýynsha, atalmysh joba nevrologıalyq dertke shaldyqqan balalardy aldyn-ala dıagnostıkadan ótkizýge, balalardyń birińǵaı derekqoryn qurýǵa, sonymen qatar, klınıka personalyn turaqty túrde oqytý maqsatynda qurylatyn bolady. Joba quny shamamen 400 mln. teńgeni quraıdy.
Taǵy bir ınovasıalyq jobanyń avtory – Jambyl oblysynyń turǵyny Turǵambek Qypshaqbaev mınıstrden óz týyndysyn engizý boıynsha kómek surady. Onyń sózinshe, onyń ınovasıalyq jylytý qazandyǵy búgingi qazandyqtardaǵydaı emes, jylýshyǵyndaryn tómendetýge múmkindik beredi. Atalmysh júıe ekologıalyq turǵydan jáne kómir otynyn paıdalanatyn kádimgi qazandyqtardan edáýir tıimdi.
Astanalyq turǵyn Gúljıan Orazalınova avtorlyq EKG nátıjesin qashyqtyqtan jetkizý júıesin – EKG telemetrısıalyq júıesin serıaly óndirisin shyǵarýǵa kómektesýin surady. Sıfrly telemetrısıalyq kardıografalardy shyǵarýshy avtordyń aıtýynsha, ǵylymı shyǵarma retinde Eýropalyq sertıfıkatqa ıe bolǵan. Atalmysh júıe Qaraǵandy oblysynyń aýrýhanalary men emhanalaryndaǵy synaqtardan sátti ótip, sapasy men tıimdiliginiń joǵarylyǵyn dáleldegen.
J.Qasymbek ózine júgingen barlyq jobalar men ıdeıa avtorlaryn muqıat tyńdap, tehnologıalyq jáne ınovasıalyq damý departamentiniń dırektoryna tapsyrma berdi. Departament dırektoryna jobalardy tolyq meńgerip, avtorlardyń tıisti grant alý baıqaýyna qatysýlaryna kómektesýin júktedi. Sonymen qatar, bul máseleler óziniń jeke baqylaýynda bolatynyn aıtty.
Mınıstr QR Investısıalar jáne damý mınıstrligi búgingi tańda ınovasıalyq grant boıynsha búdjettik baǵdarlamanyń ákimshisi bolyp tabylatynyn atap ótti.
«Indýstrıaldy damý baǵdarlamasynyń ekinshi besjyldyǵy aıasynda biz ásirese, jańa tehnologıa transferti men ınovasıalyq sheshimder arqyly jańa jobalardy, jańa zaýyttar men kásiporyndardy quramyz. Jańa kásiporyndar tek jumys ornydaryn quryp qana qoımaı, 10-15 jyldan keıin básekege qabiletti bolǵandaryn qalaımyz»,-dedi mınıstr Jeńis Qasymbek.
