Eýropalyq komısıanyń saıtyna DDoS shabýyl jasaldy, dep habarlaıdy La Libre Belgique atalmysh organnyń qolda bar ishki qujattaryna silteme jasaı otyryp.

QazAqparat aýdaryp taratqan aqparat boıynsha, «kıbershabýyl» týraly aqparatty Eýrokomıssıanyń ókili Margarıtıs Sqınas ta rastaǵan. Oqıǵa 24 qarasha, beısenbi kúni kúndiz bolǵan.  Osy shabýyldyń saldarynan Eýrokomıssıanyń ınternet saıtyna aıtarlyqtaı zıan kelgen. Sqınastyń sózinshe, atalmysh «shabýyldyń» saldarynan ınternet-baılanystar nasharlap, Eýroodaqtyń atqarýshy organynyń veb-saıtyna kirý jáne qyzmetkerlerdiń ınternetpen jumys isteý múmkindigin shektelgen. Alaıda, Sqınastyń sózinshe, «shabýyl» toqtatyldy. Qandaı da bir qupıa málimetterdiń urlaný jaǵdaıy tirkelmegen. Al, «kıbershabýyldyń» qaıdan jasalǵandyǵy týraly komısıa ókilderi eshteńe aıtpaı otyr.

DDoS shabýyl - bul tehnologıa kóbinese «servıske qyzmet kórsetýden bas tartý» (DDoS) dep atalady. DDoS shabýyly nysanaǵa alǵan veb-saıtty onyń serverine aqparatty jalǵan suratý arqyly qaıta júkteý jolymen qurtady. Bul jalǵan suraýlar vırýstermen, ıa qaýipti baǵdarlamalarmen sapasy tómendep ketken kompúterlerden (nemese «botnet») jiberiledi. Zertteýshilerdiń sózine qaraǵanda, eń úlken DDoS shabýyldar myńdaǵan kompúterlerden turatyn botjelilerden jiberiledi.

 Eger fıltrasıa tásili ádette bir memlekettiń aýmaǵynda «qara tizimge» engen veb-saıttardy belgili bir provaıderler úshin jaýyp qoıatyn bolsa, DDoS shabýyl veb-saıtty belgili bir ýaqytqa deıin múldem buǵaýlap tastaıdy.