Al saıly aımaqtarda ornalasqan aýdandarda jasandy kólshikter salynyp, kógaldandyrý arqyly zamanaýı saıabaqtarǵa aınadyrý júıesi de óziniń oń jemisin bergen. Týrıserdiń molynan kelip, kórikti qalany erkin aralaýy úshin aınalma joldar jasalyp, kólik keptelisi kóp oryn alatyn aýdandarda joldar keńeıtilip, kópirler salý júıesi de ońtaıly  júzege asyrylǵan. Máselen, qaladaǵy salynýy tıis úsh deńgeıli úlken kópir 35 kún ishinde paıdalanýǵa berilipti. Jumystyń júıeli ári tez júrgizilýi qala halqynyń qyzyǵýshylyǵyn týdyryp, eski úıleriniń jyldam súrilýine turǵyndardyń ózi belsene atsalysqan. Osy júıemen qaladaǵy 55 aýdan jańartylǵan. Avtobýstar júıelendirilip, alty baǵytty qamtıtyn metro salynǵan. Áleýmettik salany damytýǵa baǵyttalǵan 184 joba júzege asqan.

Qazirgi tańda Ankarada aýmaǵy 210 ga bolatyn 1027 ǵımarattan turatyn álemdegi eń úlken sońǵy úlgidegi dısneılend salynyp jatyr. Bul da óz kezeginde týrıserdiń artýyna óz septigin tıgizeri sózsiz degen qala meriniń orynbasary, Ankara jylyna 10-12 mln. týrıs qabyldaýǵa múmkindigi bar shahar ekenin alǵa tartty.

Osylaısha, Ankara men Shymkenttiń baýyrlas qalalar bolǵandyqtan bir-birimen tájirıbe almasýy kerek degen R.Kabasaqal Shymkent qalasynyń ekonomıkalyq jáne áleýmettik salasynyń damýyna barynsha kómek qolyn sozýǵa daıyndyǵyn málimdedi.

Jıyn barysynda qos qalanyń qarym-qatynasyn kúsheıte otyryp, Ankaranyń damý josparyn ońtústikke de paıdalaný kerektigine toqtalǵan oblys ákimi arnaıy delegasıa quramyn jasaqtap, tájirıbe almasý saparyn uıymdastyrý qajettigin aıtty.

Shymkent qalasyn damytýdaǵy osynaý usynystardy ońdy qabyldaǵan qala ákimi Ǵ.Ábdirahymov tıisti usynystar negizinde birlese jumys isteýge daıyn ekenin jetkizdi.

http://adym.kz/