Ońtústik Qazaqstan oblysynda mal sharýashylyǵy búginde el ekonomıkasyn túletýde tyń serpin beretin eleýli kúshke aınaldy. Bir kezderi qazaq dalasynda mıllıondap sanalatyn ashatuıaqtylar qatary toqsanynshy jyldary tipti azaıyp ketken edi. «Agrobıznes-2020» memlekettik baǵdarlamasy sheńberinde sońǵy jyldary atalmysh salaǵa jan bitip, tamyryna qan júgirdi. Mal sharýashylyǵyn órkendetýge kóńil bólinip, sharýaǵa qarjylaı qoldaý kórsetilýde. Bul qatarda, memlekettik baǵdarlamalar – ata kásipti órkendetýdegi birden-bir qolaıly joba bolýda.
Búginde Shymkent qalasynda aýyl sharýashylyǵy janýarlarynyń jalpy sany 65 myńnan asyp jyǵylady. Memlekettik «Sybaǵa», «Altyn asyq», «Qulan» baǵdarlamalary sheńberinde bıyl shymkenttik fermerler 150 iri qara mal, 15 asyl tuqymdy buqa, 400 ýaq mal, 70 jylqy satyp alypty. Mal bordaqylaý alańdarynyń sany 41-ge artsa, 30 januıalyq sút fermasy qyzmet atqarýda. Tıisinshe, «Prod&Grýp» jáne «Mark» JSHS-leri et ónimderin óńdeý kólemin jylyna 1500 tonnaǵa deıin arttyryp otyr.
Iá, mal – baqqanǵa bitedi. Tórt túlikti qazaq ejelden yrys sanaǵan. Kez kelgenniń qorasyna bite bermeıtin bolǵan soń da osylaı túıindegen bolar. Mal rasynda minse – kólik, jese – tamaq, ishse – sýsyn, kıse – kıim. Demek, kásiptiń kózin izdegender mal sharýashylyǵyna oılanbaı kirisýine bolady. Ásirese, el bolyp, eńse túzegen Táýelsizdik jyldaryndaǵy sharýalardyń jetistikteri eńbektiń eseli nátıjesi bolaryn dáleldep bergendeı. Búgingi qol jetken jetistikter Táýelsizdiktiń jıyrma bes jyldyq mereıtoıyna laıyqty tartý bolmaq.

http://shymkala.kz/