Kýba lıderi Fıdel Kastro búgin ómirden ótti. Qazany Kýba memlekettik telearnasynda inisi Raýl Kastro «Kýba revolúsıasynyń kóshbasshysy juma kúni Fıdel Kastro 90 jasynda jergilikti ýaqyt 22. 29-da ómirden ozdy» dep jarıa etti. XX ǵasyrda aty qalǵan álem lıderi týrasynda álemdik BAQ túrli derekter jarıalap jatyr.

Osydan 10 jyl buryn Guardian basylymy oǵan ómirinde 638 ret qastandyq jasalǵanyn jazǵan.  

Kýba úkimetiniń ókimimen el halqy kýbalyq revolúsıa kóshbasshysy Fıdel Kastronyń qaıtys bolýyna baılanysty toǵyz kún boıy aza tutady. Aza tutý senbide bastalyp,  4 jeltoqsan, jeksenbi kúni aıaqtalady.

Raýl Kastro óziniń aǵasy, Kýba revolúsıasynyń kóshbasshysy Fıdel Kastronyń senbi kúni kremasıalanatynyn habarlady.

Nursultan Nazarbaev Qazaqstan halqynyń jáne jeke óziniń atynan dostyq peıildegi Kýba Respýblıkasynyń halqyna kóńil aıtty.

Sondaı-aq, «Kýba revolúsıasynyń kóshbasshysy Fıdel Kastro dúnıeden ótti. Men onymen 1995 jyldyń qańtar aıynda Gavanada kezdesken bolatynmyn», - dep jazdy Toqaev Twitter jelisindegi paraqshasynda.