Jýyrda Shymkent qalasynda «Túıe tuqymdary» respýblıkalyq palatasy qurylyp, jumysyn bastady. «Túıe tuqymdary» palatasynyń dırektory Islam Ahmetov sharýashylyqtyń damýy týraly pikirin bildirdi. «Búginde túıe sharýashylyqtary elimizdegi 7 oblysta shoǵyrlanǵan. Batys Qazaqstan oblysy, Mańǵystaý, Qyzylorda, Ońtústik Qazaqstan oblystarynda túıe baǵatyndar barshylyq. Túıe etine suranys joq degen aqparat negizinde jalǵan. Túıeniń etine de, sútine de, tipti júnine de suranys joǵary. Statısıkaǵa túıe etiniń qanshalyqty ótimdiligi jónindegi aqpar enbeı qalady» dedi ol.

QR «Asyl tuqymdy mal sharýashylyǵy týraly» Zańyna 2015 jyldyń 27 qarashasynda ózgerister men tolyqtyrýlar engizilgeni belgili. Osy Zańnyń 28 babynyń 2-shi tarmaǵyna sáıkes, 2016 jyldyń 26 tamyzynda «Túıe tuqymdarynyń» respýblıkalyq palatasy Ońtústik Qazaqstan oblysynyń Ádilet departamentinde zańdy tulǵa retinde tirkeýden ótti. Palatanyń aldyna qoıǵan mindetteri orasan, onyń basqy tiziminde: aımaqtardaǵy túıe tuqymdarynyń asyl tuqymdylaryn taratý jáne osy tuqymynyń sanyn kóbeıtý, túıeniń asyl tuqymyna statýs berý, asyl tuqymdylyq kýáligin berý, túıe tuqymdaryn ımporttaý, bazaǵa tirkeý, statýs berý jáne satý kezinde, zaýytshylary bergen kórsetkishterdi Palatanyń bekitken ishki Erejelerine sáıkes tekserý kiredi.
Bul maqsattarǵa qarastyrylǵan búdjettik qarajat sheginde sýbsıdıalanatyn, satylatyn ónimniń jyl saıynǵy kvotasyn anyqtaý, asyl tuqymdy kitapty júrgizý jáne basyp shyǵarý da bar.

http://kazrabat.kz/