Saıram aýdanynda aýyl sharýashlyǵyn damytýdyń memlekettik baǵdarlamalary aıasynda óz kásibin ashýshylar jyldan jylǵa artyp keledi. Sharýaǵa beıim aýdan turǵyndary memleket tarapynan jasalǵan jaǵdaılar men berilgen múmkindikterdi durys paıdalanyp, ózimen qatar qorshaǵan ortasyndaǵy adamdardy da turaqty jumystarmen qamtyp otyr.
Saıram aýdany ákimdiginiń saıty jarıalaǵandaı sansyz batar mekeninde memlekettik baǵdarlamlardyń oryndalýy týraly málimetterge kóz júgirtsek, bıylǵy jyldyń alǵashqy jarty jyldyǵynda «Sybaǵa» baǵdarlamasy boıynsha 180 iri qara mal satyp alynyp, jyldyq tapsyrma (50 bas) 360 paıyzǵa artyǵymen oryndalǵan.
«Altyn asyq» baǵdarlamasy boıynsha 400 bas analyq qoı satyp alynyp tapsyrma 133 paıyzǵa oryndaldy. Shopan ata tólin damytýdaǵy bıylǵy jospar 300 bas bolyp belgilen eken.
Bıyl 78 shaǵyn januıalyq sút aýlasyn ashý josparlanǵan bolsa, alǵashqy alty aıda tapsyrma oryndalyp, bul saladaǵy kórsetkish 100 paıyzdy qurady. Iaǵnı, 78 shaǵyn januıalyq sút aýlasy ashyldy. Búginge deıin aýdanda olardyń jalpy sany 154 birlikti qurady.
Asyl tuqymdy maldardy satyp alý, asyl tuqymdy jáne seleksıalyq jumystardy júrgizý, jeke qosalqy sharýashylyq tabynyna qosqan asyl tuqymdy buqany kútip-baǵý, iri qara mal jáne qoılardyń analyq mal basyn qoldan uryqtandyrý shyǵyndaryn 100 paıyzǵa deıin óteý, qoı, sıyr, jylqy, túıe, shoshqa, qus etin, jumyrtqa, sút, qymyz, bıazy júndi óndirý qunyn arzandatý boıynsha aýdanda sharýalarǵa 134 mln. teńge sýbsıdıa berildi.
Pikir qaldyrý