Saıram aýdanynda 2016 jylǵa arnalǵan búdjetiniń kiristeri 19 931,9 mln.teńgege (ózindik kirister 1 915,9 mln.teńge), shyǵystar jospary 20 926,3 mln.teńgeni qurady. Shyǵystardyń 82,2% bilim berý salasyna, 3,9% turǵyn úı komýnaldyq sharýashylyqqa, 3,4% áleýmettik qamsyzdandyrýǵa josparlandy.

2016 jyldyń 5 aıynda búdjettik túsimderdiń jospary kontıngent boıynsha 109,5 paıyzǵa, aýdan búdjeti 118,7 paıyzǵa artyǵymen oryndalǵan.

2016 jyldyń basynan  ónerkásip óniminiń kólemi 7,6 mlrd.teńgeni  qurasa, ónerkásiptiń basymdy salasy óńdeý ónerkásibinde 6,0 mlrd.teńgeniń  ónimi óndirilgen. Naqty kólem ındeksi 104,9 %.

Shaǵyn jáne orta kásipkerlik sýbektileri óndirgen ónim kólemi 19,1 mlrd. teńgeni qurap, ósim 17,0 % jetti. Bul salada 23,0 myń adam jumyspen qamtylǵan.

Kásipkerlerdi qarjy ınstıtýttary arqyly qoldaý boıynsha aýdan kólemindegi mıkrokredıttik uıymdar arqyly  1137 adamǵa  514,3 mln.teńge kóleminde nesıe berilgen.

Aýyl sharýashylyǵy salasynda 2016 jyldyń 1 maýsymyna 10,9 mlrd.teńgege jalpy ónim óndirilip, ósim 102,9 paıyzdy qurady. 22590 gektar jerge egistik egilgen, 18500 ga sýarmaly jerge aýyl sharýashylyǵy daqyldary ornalastyryldy. Jalpy aýdanda 513 ga jerge tamshylatyp sýǵarý ádisi endirilgen, onyń ishinde 2016 jyldyń 5 aıynda 5 gektar jerge tamshylatyp sýǵarý ádisimen baý egildi. Jalpy aýdanda 18,5 ga jerde 76 birlik jylyjaılar bar. Onyń ishinde aǵymdaǵy jyldyń 4 aıynda 1 ga jylyjaı sanyndy. «Sybaǵa» baǵdarlamasy boıynsha 6 bas asyl tuqymdy buqa, 150 bas analyq satyp alyndy.

Aıta keteıik, óńirimizde júzege asyp jatqan «Ashyq ákimdik» jobasyna sáıkes jergilikti ákimdikter ózderiniń atqarǵan jumystaryn halyqqa jetkizip,  kez-kelgen aqparattyń qoljetimdiligin, ashyqtyǵyn qamtamasyz etýde. 

http://rgmedia.kz/