«Agrobıznes-202» baǵdarlamasy aýyl sharýashylyǵymen aınalysatyn dıqandar men malshylarǵa, sharýa tóraǵalaryna tyń serpilis bergeni anyq. Osy baǵdarlamadan kómek alyp, óz sharýalaryn dóńgeletýge barlaryn salyp keledi. Árıne, «Agrobıznes-202» baǵdarlamasy aıasynda ekiniń biri kómek ala almaıdy. Kómek alý úshin sharýa qojalyǵynyń bıznes jospary sekildi biraz málimetter bolý kerek. Bul baǵdarlamadan kómek alǵan sharýalar memleketke salyq tólep, jumyssyz júrgen azamattardy jumyspen qamtyǵany mańyzdy.

Jaqynda Túlkibas aýdanynyń ákimi Áýelhan Turǵymbekov jumys babymen aýyldardy aralap, jaı-kúıimen tanysyp shyqty. Ákim Keltemashat aýyldyq okrýgine arnaıy at basyn burdy. Munda aýdandaǵy eń iri sharýashylyqtyń biri – «Agrobıznes-202» baǵdarlamasy aıasynda kómek alǵan «Dos bı» JSHS jáne «Bes jal» sharýa qojalyqtarymen tanysqan aýdan ákimi mundaǵy tirshilikke qyzyǵýshylyqpen qarap, sharýa jaıyna qanyǵa tústi. Seriktestiktiń bes myń gektar jeri, tehnıkasy túgel, odan bólek mal fermasy, baý-baqshasy bar. Ózderiniń sút ónimin óńdeıtin, qymyz daıyndaıtyn sehy jumys atqarady. Sharýashylyqta 128 aýyl turǵyndary eńbek etedi. Jalaqy 40-60 myń teńge shamasynda beriledi. 

 Aýyldyń áleýmettik jaǵdaıy osy sharýashylyqtyń moınynda. Turǵyndardyń muqtajyn óteýde olar aıanyp qalǵan emes. Az qamtylǵan, aýrý-syrqaý, múgedek jandarǵa olardyń kómegi árqashan daıyn. Aýylda osy sharýa qojalyqtarynyń qatysýynsyz eshqandaı is-sharalar ótpeıdi. Ásirese, Naýryz merekesi qysqa Mashat ózeni boıynda aıtarlyqtaı dárejede ótedi. Mundaǵy birlik pen yntymaqqa kóńil tolady. Jastar tárbıesinde ardager aǵalardyń alar orny erekeshe. Qysqasy, bul okrýg óz isin ózderi dóńgeletip keledi.

http://rgmedia.kz/