Ońtústik Qazaqstan oblysy, Túlkibas aýdanynń jańa ákimi Áýelhan Turǵymbekov aýyldardy aralap, ondaǵy jaı-kúımen tanysyp júr. Túlkibas – 100 myńnan astam halqy bar ortasha aýdan. Taýly óńirde ornalasqan. Tabıǵaty jańbyrly. Munda baý-baqsha ónimderi kóp óndiriledi. Ásirese, almasymen tanymal. Munda ósirilgen almanyń dámi til úıiredi. Degenmen, tek qana alma óndirip qana qoıý az. Aýdanda túrli baý-baqsha daqyldarymen qatar, arpa-bıdaı da ósirýli tıis. Osy olqylyqty jóndeý úshin Túlkibas aýdanyndaǵy sharýa qojalyqtary men seriktestikterge «Agrobıznes-202» baǵdarlamasy men aıasynda mol qarajat bólindi.Osy qarajattan aýdandaǵy Túlkibas poselkelik okrýginde «Altyn dán» JSHS óz úlesin alyp, jumysyn qarqyndy túrde damytyp keledi. «Altyn dán» JSHS óz jerinen jáne ózge de sharýa qojalyqtary ósirgen arpa-bıdaıdan túrli sorttaǵy undar men kebek shyǵarady. Zaýyt irgesi 1987 jyly qurylǵan. Zaýyt aýmaǵy 11,2 gektardy quraıdy, 12 sehy bar. Aýdan basshysy zaýytty aralap, jumysshylarmen áńgimelesti. Munda ár maýsymmen 238 adam jumys atqarady. Undy Ózbekstan, Tájikstan, Qazaqstan respýblıkasy tutynady. Seriktestik basshysy D.Aıkeev zaýyttyń tynys-tirshiligin aıtyp berdi. 

 Túlkibas poselkelik okrýginde 11 743 adam turady eken. Olar jıi jumys surap keletin kórinedi. Múmkindik bolsa, olardy jumyspen qamtyp otyrǵanyn aıtty. Qazirgi tańda «Altyn dán» seriktestigi qarqyndy túrde óndirgen un men kebekke tapsyrys jıi túsedi. Kóptegen sharýa qojalyqtary atalǵan seriktestikten úzdiksiz kebek aldyrtyp turady. Olar sharýalarǵa kebekti jeńildetilgen baǵamen bosatyp, sharýalarǵa bıznesin órkendetýge óz septikterin tıgizip jatyr. Al, undy aýdan ǵana, Shymkent, Taraz qalalary da arnaıy aldyrtyp turady.  

http://rgmedia.kz/