Elimizde  shaǵyn jáne orta bıznesti damytý úshin kóptegen baǵdarlamalar qabyldanǵan. Óz isin órkendetýdi kózdegenderge "Údemeli ındýstrıaldy-ınnovasıalyq damý", "Bıznestiń jol kartasy - 2020", "Jumyspen qamtýdyń  Jol kartasy - 2020", "Agrobıznes", "Investor 2020" sekildi memlekettik baǵdarlamalar sheńberinde qoldaý kórsetip kele jatqan Kásipkerlik palatalarynyń qyzmetin eskerýsiz qaldyrýǵa bolmas. Jaqynda palata qyzmetkerleri Saryaǵash aýdanynyń turǵynyna óz armanyn júzege asyrýǵa múmkindik berdi. Ol mamandardyń kómegimen nan sehyn ashty. Kásipker 8 jyldan beri bıznecpen aınalysýda. As atasy nan pisirýdi qalaǵan Kúlıpa Oralova 2007 jyly óz naýbaıhanasyn ashý týraly sheshim qabyldaıdy. Alaıda, alǵashynda qolǵa alǵan isin júrgizý ońaıǵa soqqan joq. Bıznes órkendegen saıyn kásipker menshikti óndiris bazasy qajettigin túsinedi. Kásibin keıeıtýdi maqsat etedi. «Alǵashqy jyldary mekemeni jalǵa alyp, eki azamatty jumysqa qabyldaǵanmyn. Maman tapshylyǵy men shıkizat ýaqytylykelmeýiniń arqasynda biraz shyǵynǵa battyq. Bir adam birneshe mamannyń qyzmetin atqarǵan bolatyn. Mundaı qyıyndyqtardyń barlyǵy búginde artta qaldy» - deıdi isker áıel. 

Kýlıpa Oralova bıznestegi mundaı kedergilerdi shaǵyn jáne orta kásipkerlikti qoldaý baǵdarlamasy aıasynda jeńildetilgen nesıeni alý arqyly jeńe bildi. Ol 2016 jyldyń maýsym aıynda OQO Kásipkerlik Palatsynyń Saryaǵash aýdandyq fılıalyna júginedi. Jergilikti qyzmetker kásipkerke bıznes-jospar men kerekti qujattardy jınaqtap nesıe alýǵa at salysady. Az ýaqyt ishinde seh qojaıyny jylyna 4% paıyzdyq kórsetkishti quraıtyn nesıege qol jetkizdi. 
Búginde kásipkerdiń  kishi nan-zaýytynda 10 adam jumyspen qamtylǵan. Káiporyn jumysy júıeli jolǵa qoıyldy. Zaýyt ónimin jergilikti dúkender, emhanalar men balabaqsha mekeleleri tutynady. Kásiporyn qýattylyǵy táýligine 1,0 myń kg un nemese 2,5-3,0 myń nan shyǵarýǵa qaýqarly.

http://rgmedia.kz/