Aýyldy jerlerde mal sharýashylyǵy men maqta, egin sharýashylyǵyn damytý basty nazarda. Atalǵan sharýashylyqtardy damytý arqyly aýyl áleýetin kóterýge bolady. Aýyl qashanda memleketti asyraýshy jer. Osyǵan oraı Túlkibas aýdany, Yntymaq aýylynda mańyzy bar ister úzdiksiz atqarylyp jatyr. Munda «Qyzyl jar» JSHS bar. Bul seriktestik aýdandy asyrap otyrǵan sharýa qojalyqtarynyń biri dese bolady. Túlkibas aýdanyn jumys babymen aralap júrgen jańa ákim Áýelhan Turǵymbekov osy sharýa qojalyǵyna bas suqty. Seriktestik basshysy N.Mamyrov aýdan basshysyna óz qaramaǵyndaǵy ujymnyń  tynys-tirshiligin baıandap berdi. Sharýashylyq 2 myń gektar jerge arpa men bıdaı egedi. Bıylǵy jylǵy ónim jaman emes, ár gektaryna 24 sentnerden aınaldy. Sharýashylyqta eginnen bólek, alma men júzim ósiriledi. Jylyjaı salǵan seriktestik odan da tuuraqty ónim alyp otyr. Munyń bári «Agrobıznes-2020» baǵdarlamasy aıasynda atqarylyp jatyr. Memleket el búdjetine salyq túsirip otyrǵan osyndaı seriktestikterge óz kómegen berip keledi.
Jeke kásipker N.Mamyrov qaramaǵyndaǵy qyzmetkerlerge jáne aýyl turǵyndaryna úzbeı áleýmettik kómek kórsetip, az qamtylǵan otbasylaryna qamqorlyq kórsetip keledi. Qazir seriktestikte 68 adam eńbek etedi. Bolashaqta mal sharýashylyǵymen aınalysý josparlarynda bar. Oǵan olardyń múmkindikteri jetedi. Aýdan ákimi osyndaı iri sharýashylyqtardyń damı beretinin aıtyp, kooperasıaǵa birigý kerektigin aıtty.
 Jalpy, Túlkibas aýdany – taýly aýdan bolǵasyn, tabıǵaty óte jaıly. Kúz jáne kóktem mehgilderinde jańbyr jıi túsedi. Sol sebepti, munda shóp qalyń ósedi. Aldaǵy ýaqytta mal sharýashylyǵyn damytý josparda bar. 
http://rgmedia.kz/