«Agrobıznes-2020» memlekettik baǵdarlamasy Saıram aýdanynda qarqyndy júzege asyrylyp keledi. Memleket tarapynan jasalyp jatqan jaǵdaılar men mol múmkindikterdi oń paıdasyna jarata biletin saıramdyqtar aýyl sharýashylyǵy salasynda bıylǵy jyldyń alǵashqy alty aıynda 13597,5 mıllıon teńgeniń ónimin óndirdi. Bul ótken jyldyń tıisti alty aıyndaǵy kórsetkishpen salystyrǵanda 2,7 paıyzǵa artyq.
Saıram aýdanynda memlekettik jáne salalyq baǵdarlamalardyń 2016 jylǵy birinshi jarty jyldyǵynyń qorytyndysy boıynsha oryndalýy týraly málimetke súıensek, alty aıdaǵy jalpy ishki ónimniń teńgege shaqqandaǵy 13274 mıllıony mal sharýashylyǵyna tıesili. Tórt túlikke tıist tapsyrma aýdanda josparlanǵandaǵydan 102,4 paıyzǵa artyǵymen oryndalǵan. Al egin sharýashylyǵydaǵy tabys 322,7 mıllıon teńgeni qurap, alty aılyq merzim kórsetkishi 118,6 paıyzǵa jetti.
Bıyl Saıram aýdany boıynsha 1,0 gektar jylyjaı salý josparlanǵan bolsa, 1,35 gektar jylyjaı iske qosylyp, jyldyq jospar 135 paıyzǵa artyǵymen oryndaldy. Sóıtip sansyz babtar mekenindegi jylyjaılardyń jalpy kólemi 19,5 gektarǵa jetti. Alaıda eki júz gektarǵa josparlanǵan tamshylatyp sýarý ádisiniń jıyrma gektary ǵana iske asyrylǵan. Mundaǵy kórsetkish on paıyzdy qurady.
Bıylǵy jyly aýdandaǵy aýyl sharýashylyǵy taýarlaryn óndirýshilerge kóktemgi dala jumystaryn júrgizýge josparlanyp bólingen 2210 tonna jeńildetilgen baǵadaǵy janar-jaǵar maıdyń 2121 tonnasy sharýalarǵa bosatylǵan. Sol sıaqty bosatyldy (jospar 2210 tonna) jáne 2459 tonna mıneraldy tyńaıtqyshtar bólinip, 2282 tonnasy alyndy, qalǵan tyńaıtqyshtardy berý merzimi keshigýine baılanysty sharýalar basqa jerlerden satyp alyp qoldandy.
2016 jylǵa elý aýyl sharýashylyǵy tehnıkasyn satyp alý josparlanǵan bolsa, alǵashqy alty aıdyń qortytyndysynda 34 birlik tehnıka alyndy. Jyldyq josparly tapsyrma 68 paıyzǵa oryndaldy. Jalpy aýyl sharýashylyǵy tehnıkalarynyń sany aýdanda 1538 birlikti qurap, jyl saıyn jańartylyp artýda.
Pikir qaldyrý