Taıaýda Shymkent qalasy Báıdibek bı dańǵylynyń boıynan aýyl sharýashylyǵy ónimderi tıelgen júk avtokólikteriniń kerýeni Almaty qalasyna qaraı jolǵa shyqqan bolatyn. Dástúrli shara Qazaqstan Respýblıkasy Táýelsizdiginiń 25 jyldyǵyna arnaldy. Osy senbide Almatyda Ońtústik Qazaqstan oblysynyń aýyl sharýashylyǵy kórmesi ótip, jergilikti turǵyndar sapaly ónimderdi naryqtaǵy baǵadan 10-15 paıyz arzan baǵada satyp alýǵa múmkindk jasaldy. Kúzgi jıyn-terim ýaqytynda mol astyq jınaǵan kúngediń dıqandary osylaısha almatylyqtar men astanalyqtarǵa osylaısha syı jasady. Naqty astar bolsaq Ońtústik Astanaǵa óńirden alpys tonna et, 106 tonna kókónis, jıyrma toǵyz tonna jemis-jıdek, jeti tonna sút ónimderi, bes tonna shubat, jıyrma bes myń dana jumyrtqa, qyryq bes tonna baqsha ónimderi, bes tonna balyq, bes tonna keptirilgen jemis jáne on bes  tonna basqa da ónimder jóneltildi. Oblystyq aýyl sharýashylyǵy basqaramasy basshysynyń orynbasary T.Ospanovtyń aıtýynsha, jármeńke Almaty qalasy men Ońtústik Qazaqstan oblysy ákimdiginiń arasynda túzilgen memorandýmǵa sáıkes uıymdastyrylǵan. Basqarma ókili óz sózinde jármeńkege sapaly, ekologıalyq jaǵynan tabıǵı taza 320 tonna aýyl sharýashylyǵy ónimi jiberilgenin tilge tıek etti. Ónimderdiń jalpy baǵasy 125,7 mıllıon teńgeni quraıdy. Aıta keteıik, oblysta Údemeli ındýstrıaldy-ınnovasıaly damý, "Agrobıznes -2020" baǵdarlamalary arqasynda agrosalada ınvestısıalyq salym aǵymdaǵy  jyldyń segiz aıynda 3,4 mıllıard teńgeden asyp, ótken jyldyń tıisti kezeńimen salystyrǵanda 1,2 mıllıard teńgege artqan.

http://rgmedia.kz/