Almatyda adamdar kóp júretin jerlerde ornalasqan saýda ortalyqtaryn salafıtter «ıemdenip»» jatyr. Bul týraly «31 arna» dabyl qaqty.  Qala turǵyndary dinge jaýapty basqarmada da salafıtter jasyrynǵan jáne top bolyp saýda jasaıtyn qansha ortalyqtyń baryn ashyq túrde aıtyp bergen. Basqarmanyń málimetinshe, túr-tulǵasy kúdik týǵyzatyn dinshilderdiń negizgi oryny "Kar sıtı", "Kókbazar" jáne  ortalyq meshittiń mańy eken. Sondaı-aq, olardy  uıaly telefondardy satýmen nemese jóndeýmen aınalysatyn dúńgirshekterden kóp kezdestirýge bolady.

 Bul Almatydaǵy Kókbazar men ortalyq meshit mańy.  Bylaıǵy ómirde siz olardy baıqaı bermeýińiz múmkin. Anyqtap qarasańyz, rasymen betin tumshalaǵan qyzdar men  qysqa balaqty, qaýqa  saqaldy jigitter órip júr.

 Qala turǵyndarynyń biri Ǵanıbek Serikov: «Bárimizde ımamǵa nıet etemiz ǵoı namaz oqyǵanda. Olar erekshe. bata qaıtarmaı turyp ketip qalady. Otyraıdy. Turyp turady. Top bop júredi ózderi. Olardy toqtatyp jatqan eshkim joq» dep keııdi.

Almaty qalasy Din isteri jónindegi basqarmanyń basshysy Aıdar Esenbekov turǵyndar sóziniń jany bar ekenin aıtyp: «Belgili bir shoǵarlanǵan ortalyqtar bar ekeni ol jasyryn emes. Biraq ony biz syrttaı ǵana anyqtaı alamyz endi. Iaǵnı, syrtqy beınesine qarap», dedi.

 Almaty qalasy din isteri jónindegi basqarma da   salafızm aǵymynyń ókilderiniń eń kóp shoǵyrlanǵan ortalyǵyna osy Kók bazar, kar sıtı saýda orny jáne ortalyq meshit mańyn jatqyzyp otyr.

Alaıda basqarma basshysy, olardyń artynda kimder tur degen suraqqa jaýap bergisi kelmeıdi.  

Eń qyzyǵy, jaı ǵana sáıkestik bolýy múmkin, biraq bazar mańyn jaǵalaǵan saqaldylardyń deni uıaly telefon satýmen nemese  jóndeýmen aınalysady eken.  Esterińizde bolsa, Almatyda polısıa bólimine shabýyl jasap, 5 adamdy atyp óltirgen Rýslan Kúlikbaev ta buryn uıaly telefon satýmen aınalysqan.