Búgin, Almatydaǵy Respýblıka saraıynda «MýzArt» tobynyń konserti ótedi. Kesh toptyń án álemindegi 15 jyldyǵyna arnalǵan.

Esterińizge salsaq, «MýzArt» trıosy  shyǵarmashylyqtarynyń 15 jyldyǵyna oraı aǵymdaǵy jyldyń 8-shi shildesinde Astanadaǵy «Qazaqstan» ortalyq konsert zalynda tyńdarmandaryna esep bergen bolatyn.

Sahna juldyzdary bul joly da ózderiniń úzdik ánderin dırıjerler Aleksandr Belákov, Aleksandr Abylaev, kompozıtor ári prodúser Rınat Gaısın jáne «Astana» estradalyq-sımfonıalyq orkestrimen oryndaıdy.

Sáken Maıǵazıevtiń aıtýynsha, Qazaqstan Táýelsizdiginiń 25 jyldyǵyna jáne Almaty qalasynyń 1000 jyldyǵyna arnalǵan konsert eki ýaqytta bolady - birinshisi 16.00-de, ekinshisi 19.30-da. «15 jylda biz 100-den asan án jazdyq. Konsertte barlyǵyn oryndaı almaımyz. Biraq biz halyq súıip tyńdaıtyn 28 ándi tańdap otyrmyz. Sonymen qatar, jańa ánderdi de oryndaıtyn bolamyz», - dedi ol. 

Onyń aıtýynsha, sahnaǵa ózi, Meırambek Besbaev jáne Kenjebek Janábilov jeke shyǵyp ta án oryndaıdy. Sonymen qatar, «MýzArttyń» burynǵy ánshisi Maqsat Bazarbaev ta sahnaǵa shyǵady. Sondaı-aq, toptyń kelesi jyly Qazaqstan qalalarynda jeke shyǵarmashylyq konsertterin berý josparlanǵan.