Instagram jelisinde Prezıdent Nazarbaevtiń Qazaqstan arnasynan shyǵyp júrgen «Túngi stýdıa» baǵdarlamasynda qonaqta bolǵany týraly sýretter paıda boldy. Ázirshe baǵdarlamanyń Elbasy qatysqan sany qashan efırden kórsetiletini belgisiz.
Aıta keter bolsaq, sońǵy bir aıda Elbasy birqatar álemdik alpaýyt BAQ-qa suhbat berdi. Atap aıtqanda, Memleket basshysy arab álemi elderinde iri habar taratý kompanıalarynyń biri bolyp tabylatyn «CNBC Arabia» arnasyna, Japonıanyń NHK teleradıo habarlar taratý korporasıasy men «Kıodo Sýsın» aqparat agenttigine, Bloomberg News aqparat agenttigine, sondaı-aq «Rossıa 24» arnasyna suhbat bergen bolatyn.
