Ońtústik Koreıanyń 75 jastaǵy turǵyny Chan Chje qart áleýmettik medıanyń ózine beıtanys, tyń dúnıelerdi áıeli men ulynyń kómegi arqyly ıgerip, Instagram-ǵa júgindi. Ol óziniń paraqshasyn ǵıbratty áńgime aıtý quraly retinde paıdalanyp, óziniń salǵan sýretterin úsh nemeresine arnap otyrǵan.
Onyń Drawings for my Grandchildren atty akkaýntyndaǵy shyǵarmalyq týyndy qalyń qaýymnyń qyzyǵýshylyǵyn týǵyzyp, qazirgi ýaqytta 40,000 jazylýshyǵa deıin tirkelgen. Onyń tabysy kezdeısoqtyq emes. Bul qart atanyń uly 45 jastaǵy Facebook, Instagram-nyń qoldanýshysy Djı Lıdiń ıdeıasy bolatyn.
Otbasy 1981 jyly San-Paýlýdan Seýlge qonys aýdarǵan bolatyn. Biraq uly Djı Lı Nú-Iorkqa qonys aýdarǵan ýaqytta onyń tátesi, kúıeýi jáne eki balasymen birge Koreıaǵa qaıtýǵa sheshim qabyldaıdy.
«Meniń ákem zeınetke shyqqan bolatyn jáne ýaqytyn meniń jıenderimmen birge ótkizetin. Olardy mektepke aparý ákemniń ýaqytynyń kóp bóligin alatyn. Olar ketip qalǵannan keıin, ol isterge is tappady, bul, árıne, anam ekeýmizdi alańdatqyzdy. Biz onyń tez qartaıyp bara jatqanyna abyrjýly boldyq,», –deıdi Lı myrza.
Ákesin jańa dúnıelerge úıretý úshin aılar ketkenin aıtady. Baılanysta qalý úshin nemerelerine arnap sýret júktep otyrý kerek boldy. «Ol bul ıdeıany unatpady jáne Instagram-ǵa óner týyndysyn júktep otyrýdyń maqsatyn túsinbedi. Biraq men ony úıretýdi jón kórdim» ,– dedi Nú-Iorktaǵy úıinen BBC News-qa bergen suhbatynda.
«Biraq men ákemmen kúnde otyrdym, bir kúni meniń ulyma tosynsyı jasaıyq dep ákeme usynys tastadym. Bul jaǵdaıdy tolyǵymen ózgertýge septigin tıgizdi. Onyń úırenýge degen talpynysy arta tústi.
«Qazir ol redaksıalaýdyń túrli quraldaryn úırenip aldy. Instagram ákemniń ómirin tolyqtaı ózgertti. Sol kezden bastap, ol kúnine bir sýret salady. Meniń anam áńgimeler jazady, al ákem olarǵa ómir syılaıdy.
Dınozavrlar, pandalar, qaharman batyrlar men tabıǵat – Chan Chje jumysynyń nemerelerine arnalǵan negizgi taqyryby. Kúndelikti ómir men Koreı mádenıeti de tys qalmaıdy. Ol bul sýretter arqyly ómirlik máni bar sabaqtarǵa úıretedi, oıymen bólisedi, tipti jeke habarlamalardy da alyp júredi. Olar úsh tilge: aǵylshyn, koreı, portýgal tilderine aýdarylǵan.
«Seniń ájeń – sýper áıel. Ol qolynda bir balany alyp júrse, ekinshisin artyna salyp alady. Balalar, ótinish, umytpańdar!» degen júrek jylytar jazbasy da bar.
Ákesiniń oqıǵasyn qalyń kópshilikpen bólisýdi jón sanaǵan Djı Lı Facebook-tan vıdeo arqyly bólisip qoıady. Bul vıdeo vırýs sıaqty tez taralǵan. 18000 reaksıa jınap, 1,3 mln adam tamashalaǵan eken. Ol bul vıdeonyń tanymal bolatynyn esh kútpegenin aıtady. «Men uıyqtaýǵa jattym, turǵanymda Instagram-daǵy jazylýshylar sany birden 40000-ǵa artqanyn kórdim»,– deıdi uly.
Facebook-taǵy myńdaǵan qoldanýshylar Chan Chjenyń oqıǵasy olardyń júrekterin eljiretkenin aıtady. «Tiri mura, mazmundy áńgimeler, ádemi sýretter» dep jelide baǵa berýshilerdiń sany óte kóp.
