Búgingi merekege arnap osy tarıhı súretti járıalaǵym keldi!
Burynǵy jyldary toılaǵan Astananyń kúnine qaraǵanda, bıyl mańyzyn erekshe sezinip otyrmyz! Negizgi strategıalyq maǵynasy endi aldymyzdan shyqty. El ordany Aqmolaǵa aýystyrýdy kóp azamattar túsinbedi, qarsy boldy. Almatyda barlyq jaǵdaı jasalǵan, bilikti, bilimdi qyzmetkerler barlyǵy sonda. Kún jyly, ǵımarattar daıyn. Aıdalaǵa aparý, kúni sýyq, toqtamaıtyn jel ... Ol jaqqa kim barady dep o
ılady biraz adam. Dál solaı oblystardy nege qosty degen suraq qoıyldy. Degenmen kópshilik tolyq ıdeıasyn túsinbesede ortaq sheshimge toqtady. Búgingi geosaıası jaǵdaıǵa qarap - kezinde durys jasalǵan eken, kóregendik sheshim , strategıalyq kózqaras dep baǵalaımyz. Sol kezde daý damaı shyǵarmaı el aǵalary ortaq tarıhı sheshimge kelgeni - kázirgi memleketimizdiń tutastyǵynyń kepili. Uzaǵynan bolsyn! Qazir de kóp máselelerde strategıalyq mán jatyr. Túsinbeıtin jerleri de bar. İshteı qarsy bolýymyz múmkin. Degenmen elimizdiń bolashaǵy úshin daýystap aıtqyzbaı-aq, uzaq merzimdegi maqsatyn túsinip, bir ortaq sheshimderdi qoldaýmyz kerek bolyp turady. Taktıkalyq utylys bolyp kóringenmen - keıingi strategıalyq utysqa arnalǵanyn sezinú kerek. Ymdy túsinbegender - dymdy túsinbeıdi demeı ma? Biz baqytty urpaqpyz! Sebebi keremet dáýirde ómir súrip jatyrmyz - bizdiń kózimizshe ata-babalarymyz ańsaǵan egemendi Qazaq memleketi qurylyp, ár qaısymyz Máńgilik el bolýyna úlesimizdi qosyp, eńbektenip jatyrmyz! Sol Máńgilik El bolý úshin qajet bolsa - bir aýyzdan qoldap , aramyzǵa arańdatýshylardy jaqyndatpaı bir sapqa, ıyq tiresip turý kerek. Merekemizben Qazaq Eli!
Pikir qaldyrý