Almaqan Jeńisqyzy

MÁŃGİLİKTİŃ QUSHAǴYNDA

Belgisiz muńdar bastap

Áketti meni sonaý saparlarǵa.

Altaıdyń taýlaryndaı tulǵań asqaq,

Taýdaı bıik mahabbattan jasalǵanba.

Belgisiz bir saǵynsh,

Bermeıdi bergisi joq maǵan yryq.

Alystap kete almaımyn,

Bara almaımyn jáne de oǵan jýyq.

Oı keshemin saǵynyp sodan múlgip.

İlesip jetegine saǵynshtyń,

Kelmeske men attanyp baratyrmyn.

Bilesińbe, men osy saǵynshtyń,

Sarǵaıǵan sabaǵynan jaratyldym.

Saǵynsh joǵalmaıdy,

men-daǵy sezem ony.

Baqytty shyǵarmyn men,

uǵynsań sennen kóri.

Saǵynsh. . . Al, saǵynsh mennen uly.

Sol úshin máńgilikpin,

Mahabbat ǵaıyp bolyp, saǵynsh úzilgenshe.

Aı kúnnen kúder uzyp,

Aspandy ańsaǵan jer búlingenshe. 

SEZİNÝ

Móldir Altaı barady jylap aǵyp,

Qasyretimdi tyńdaıdy tura qalyp.

Saǵynsh talqandaǵan júregimdi,

Otyramyn aǵataı,

jyrymmen qurap alyp.

Samsa-samsa qaraǵaılar

sińilisi  mendegi saǵynshtyń,

Julmalap júregimdi bultpen birge alyp ushtym.

Torqadaı topyraǵy, Altaıdyń seri beli,

Shaqyrdy eh, bıigine seni, meni. . .

Altaıdyń aspanynan saǵynsh tógiledi,

Al onyń topyraǵynan muń ısi seziledi.

Júregim ketken ushyp sen jaqqa qus jolymen,

Artymda qalǵan jolǵa keshirshi kesh dedim men.

Aǵataı jetem saǵan,

Sen meni tospa biraq.

Jetkizer saǵan meni ǵalamnan aqqan bulaq,

Juldyzdy jıp alyp hat qylyp jiberemin,

Aı meni qushaqtaıdy aǵytyp túımelerin,

Ketemin máńgilikke oralmaı osy mańǵa,

Barynen artyq meni aıalap súıgen ólim.   

daıyndaǵan: Bulǵyn Sýsar