Jańa jyldan bastap komýnaldy qyzmet baǵasy kóterilýi múmkin. Bir qatar aımaqta monopolıser antımonopoldi mekemelerge ótinish berip qoıǵan.

Sheneýnikter olardyń ótinishterin endi qarap jatyr. Biraq, jańa jyldan bastap onyń qajettiligi bolmaıdy. Úkimet tarıfty baqylamaıtyn boldy. Óskemende 800 kópqabatty úıde  jylý 24% qymbattaıdy. Bul barlyq úıge ortaq esepteýshi quraldy qoıýdan bas tartqan turǵyndarǵa qatysty. Olarǵa 1 qańtardan bastap saralanǵan tarıf engiziledi.

Qazir tarıf 1 sharshy metrge orta eseppen 53 teńge bolsa, bir jylda úıdiń aýmaǵyna baılanysty 20 myń teńgege deıin jetýi múmkin.

Qala turǵyndary ystyq sýǵa buryńǵydaı 1 tekshe metrge 210 teńge tóleıdi. Sonda aıyna – 520 teńge ketedi.

Jańa jyldan bastap úkimet monopolıser qyzmeti baǵasyn rettemeıdi. Bul jaǵdaıda  energetıkter antımonopoldi mekemelerdiń maquldaýyna muqtaj bolmaıdy.

Al Qostanaıǵa qymbatshylyq burynda jetken. Ázirshe «Qostanaı-sý» kásipornynyń ótinishine antımonopoldi mekemeden resmı jaýap joq. Olar sý men káriz júıesi qyzmetiniń  baǵasyn  24% qymbattatýdy surap otyr. Memkeme atalmysh ótinishin, kredıt tóleý kerektigimen túsindirdi.

«Bank tarapynan kredıt sommasy 2,4 mlrd. teńgeni quraıdy. Júıeni jóndeý jumystary óte qymbat turady. Sý men káriz júıesi de ábden eskirgen» deıdi «Qostanaı-sý» kásipornynyń  dırektor keńesshisi Arman Júnisov.

 Basqa da kásiporyndar komýnaldy qyzmet baǵasyn kóterýdi josparlap otyr. «Qostanaı-sý» baǵany qymbattatsa, jylý kompanıalary da baǵany ósiretinin málimdegen.

Úkimet tarıf baǵasyna aralaspaıtyndyǵyn kúzde habarlaǵan bolatyn. Bul memlekettiń sý men jylý júıesine qarjy bólmeıtindigimen baılanysty.