Argentıkalyq otbasy súıikti ıti qaıtys bolǵannan keıin janýardyń genetıkalyq kóshirmesin jasap, ony klondaǵan dep habarlaıdy ria.ru.

Entonı esimdi ıt 17 jasynda kárilikten qaıtys bolǵan. Alaıda  Biocan ǵalymdary odan alynǵan genetıkalyq materıaldar arqyly jańa janýardy jasap shyǵardy. Mundaı qyzmetke argentıkalyq otbasy 60-100 myń dollarǵa shyǵyndandy.

Ólgen ıttiń klony shilde aıynda paıda bolǵan. Biraq, klondaý sátti shyqqany týraly resmı aqparat qazir ǵana jarıalandy. Kóshirme jasaý rásimi kúrdeli boldy jáne ártúrli elderde birneshe kezeńnen ótken. Onyń ishinde genetıkalyq materıaldardan alynǵan tirshilikke beıim kletkolardy tańdaǵan Ońtústik Koreada bar.

Alǵash ret janýarlardy 1996 jyly klondaǵan. Ol kezde dorset tuqymdy qoıdy jasap shyǵardy. Ony Dollı dep atady. 2003 jyly álemge áıgili qoıdy óltirýge týra keldi. Sebebi onyń ókpesinde vırýstardyń kesirinen ókpe ragy paıda bolǵan. Ol kezde Dollı 6,5 jasta edi.  Ol 6 ret tóldep úlgerdi.