Býdapeshttegi Ulttyq jaratylystaný mýzeıinde qalpyna keltirilgen ult-azattyq qozǵalys batyry Keıkiniń (Nurmaǵambet Kókembaıuly) basy elge jetkizildi. Búgin áleýmettik jelide tarıhshy Berik Ábdiǵalıuly batyrdyń bas súıeginiń sýretin jarıalady, - dep habarlaıdy Qamshy.
Tarıhshynyń aıtýynsha, sýret batyrdyń bassúıegi negizinde salynǵan. Súıekke vengrıalyq ǵalymdar tıisti zertteýler jasaǵan. Sóıtip, Ult-azattyq kóterilistiń 100 jyldyq mereıtoıyna tamasha tartý – batyrdyń shynaıy bet-beınesi qalpyna keltirilip otyr.
Esterińizge salsaq, buǵan deıin Reseıden ákelingen Keıkiniń bas súıegi Vengrıaǵa jiberilgen bolatyn. Onda majarlyq ǵalymdar batyrdyń bas súıegi arqyly kompúterlik antropologıalyq pishinin jasap, keıin músindik keskinin qaǵazǵa túsirdi.
Batyrdyń bas súıegi týǵan jerine arýlap jerlenedi.
