Fılıppın prezıdenti Rodrıgo Dýterte Davao qalasynyń meri bolǵan kezde esirtki satty degen kúdiktilerdi ózi óltirgenin málimdedi.

tengrinews.kz habarlaǵandaı, Mamyr aıynda prezıdent bolyp saılanǵan Rodrıgo Dýterte esirtkige táýeldi adamdarmen, sondaı-aq, esirtki satatyndarmen kúresip keledi. Polıseılerdiń sońǵy málimetteri boıynsha, Dýterte bılikke kelgeli beri elde esirtki saýdasyna qatysy bar shamamen 3 myń adam óltirilgen.

«Men Davao qalasynda olardy ózim óltirgenmin. Muny isteı alatynymdy sol jigitterge kórsetkim keldi», — dep málimdedi Fılıppın prezıdenti.

«Davaoda motosıklmen júrip, kóshelerde kúzette júrdim. Men rasynda da bireýdi óltirý úshin urys-qaǵys bolyp jatqan aýmaqtardy izdedim», — dedi Rodrıgo Dýterte bul áreketin áli de jalǵastyra beretinin aıta otyryp.

Aıta keteıik, dúnıejúzilik qoǵamdastyqtyń ókilderi eldegi esirtki saýdasynyń bul túrimen kúresý ádisin synǵa alǵan bolatyn. Adam quqyqtary jónindegi BUU sarapshylary da fılıppın bıligindegilerdiń bul áreketin aıyptady. Sarapshylar olardy adamdardy óltirýge bóget jasaýlaryn jáne kúdiktilerdi ólim jazasyna kesýden bas tartýyn surady.