Bostandyqqa shyqqan Muhtar Ábilázov 2005 jyly Qyrǵyzstandaǵy revolúsıany qarjylandyrǵanyn moıyndady, dep habarlaıdy «Ferǵana» eks-bankırmen suhbattasqan Liberation  fransýzdyq gazetke silteme jasaı otyryp.

Ábilázov óziniń qýǵyndalýy saıası sıpat alatynyn alǵa tartty. Saıası qyzmetine mysal retinde Qyrǵyzstanda bolǵan oqıǵany keltirdi: «2005 jyldyń basynda men Qyrǵyzstanda quldyraý rejımine jaǵdaı jasaý úshin opozısıany qarjylandyrdym. Bul postkeńestik respýblıkalarda demokratıalyq proses bastalyp, Qazaqstanǵa úlgi bola alatyn durys reforma júrgize alýy úshin mańyzdy edi».

Prokýratýranyń málimetinshe, Áblázov pen onyń serikteri 7,5 mıllıard dollardan astam qarjy jymqyrǵan. BTA bankiniń burynǵy basshysy 2013 jyldyń jazynda Fransıanyń ońtústiginde qolǵa túsip, temir torǵa otyrǵyzylǵan bolatyn. Ony Qazaqstanda, Ýkraınada, Reseıde úlken masshtabta urlyq jasady degen aıyp taǵylyp otyr. Ábilázov bolsa kináni moıyndamastan taǵylǵan aıyptan saıası astar izdedi.