Memlekettik tildiń biregeı statýsyna qarsy shyqqan orystardyń kóbi kóship ketken shyǵar. Orystektiler arasynan shyqqan keıbireýleri demokratpyn dep júrgender de bar.Árıne, jalǵan demokrattar qazaq janshylǵan, qyrylǵan halyq dep keshirim suraýdyń ornyna, olar qazaq tiliniń biregeı statýsyna jarmasty. Ókinishti. Bizdiń postkolonıaldyq bıliktiń nıeti de osylardyń talabyna ıildi. Biraq qazaq óz múddesin bile bildi. Oǵan kýá qazaq mektebiniń kúrt óse berýi. Alǵashqy demokratıalyq tolqynnyń sátsizdikke ushyraýy da qalyń qazaqtyń qalaýy - qazaq olardyń orys shovınısik kózqarastan arylmaǵanyn baıqap olardy qoldamady. Al qazaqtekti orysshyldar shy? Olar qazaqtyń tiliniń taǵdyryna, qazaq tiliniń aıaqqa tura bastaǵan kezinde shabýyl jasady. Kerisinshe qazaq tiliniń janashyrlary sol tartystarda shyńaıyp shyqty. Olar oryssha oqyǵandar edi, ol aıyp emes-taǵdyr deıdi keıbireýler. Joq, olaı emes. Men de orys mektebin bitirdim. Biraq qazaq qundylyqtarynan jerigen joqpyn. Erkin aǵylshynshama jáne oı órisime qarap maǵan AQSH qa ketýdi eki ret usynǵan edi. Biraq men Qazaqstanymdy tastaǵym kelmedi jáne kelmeıdi. Adasý kóp adamnyń basyna keletin jaǵdaı: kezinde adasyp edim halqym endi keshir dese boldy ǵoı. Qazaq keń halyq, jaraıdy, adasqan shyǵar dep keshirer edi.

Qazaq tiline damýyna qarsy shyqqandardyń saıası bolashaǵy jáne perpektıvasy bolmaý kerek. Olardyń gazetterin almaý, saıttaryn oqymaý, sózin sóılemeý, atyn atamaý   kerek. Onsyz da oryssha oqý azaıyp keledi. Kókjıegimizdi taryltpaý úshin aǵylshyn, túrik, qytaı baspasózinen bilim nárin alýymyz kerek. Bir sózben aıtqanda bizge saıası dıversıfıkasıa jáne oı táýelsizdigi kerek.