QR Ulttyq ekonomıka mınıstrligi Tabıǵı monopolıalardy retteý jáne básekelestikti qorǵaý komıtetiniń tóraǵasy Serik Jumanǵarın «Eır Astana» áýe kompanıasyna qatysty sheshimge túsinikteme berdi, dep habarlaıdy inform.kz.

«Ózderińiz de biletindeı, taıaýda «Eır Astanaǵa» qatysty sáıkesinshe tergeý boldy. Nátıjesinde, áýe kompanıasy naqty bir kúni suranysqa baılanysty óte tómen jáne óte joǵary baǵa  qoldanatyndyǵy anyqtaldy. Qazir áýe kompanıasy ushý kúninde birshama jeńildikter jarıalap, «Erkindik» tarıfin jasady. Áýe kompanıasynyń aýyzsha sendirýinshe, kelesi jyly eń qymbat bıletter 10 paıyzǵa arzandaıtyn bolady. Óıtkeni, naryqty únemi jabyq ustap turýǵa bolmaıdy. Sóz ashyq áýe jaıynda bolyp otyr», - dedi ol.

Jumanǵarınniń atap ótýinshe, Qazaqstan «EKSPO-2017» kórmesin ótkizý kezeńinde «ashyq áýe» ustanymyn qoldanatyn bolady. Bul ózge elderdiń áýe kompanıalaryna Astanaǵa ushyp kelýge múmkindik beredi.

«Loýkesterler paıda boldy, naryqqa «Pobeda» kirdi. Loýkosterler segmentine «Bek Eır» kiredi. Jaǵdaı barynsha pozıtıvti. Biz bul segmenttiń damýyna optımısik turǵyda qarap otyrmyz», - dedi ol.