Túrkıa Din isteri basqarmasynyń 38 eldegi dinı qyzmetkerlerine «sol eldegi F.Gúlenge qatysy bar adamdar men mekemeler jaıly barlaý jumystaryn júrgizý kerektigi» buıryǵy Golandıada júzege aspaı qaldy. Búl jaıynda Túriktiń Cumhuriyet gazeti jazady. Málimettiń qazaqsha nusqasyn Qamshy portaly oqyrman nazaryna usynady.

Gúlenge qatysty adamdardyń tizimin daıyndaǵanyn medıa qyzmetkerlerine rastaǵan Golandıa Syrtqy İster Mınıstrligi osy eldegi Gaaga Elshiligi Din isteri attashesi Iýsýf Adjardy elden ekstradısıalady. De Telegraaf gazeti taratqan «Adjardyń Ankaraǵa jiberilgendigi jaıly» aqparda Hrıstıan demokratıalyq partıasy (HDP) «Fethýllahshylardyń qorǵany» dep atalyp, HDP depýtattarynyń Túrkıa jáne Din isteri basqarmasy jaıynda Májiliske jaǵymsyz usynystar usynǵandyǵy aıtylǵan. Adjar bolsa, «ınternette árkimge qoljetimdi málimetterdi paıdalanǵanyn» aıtyp, barlaýshylyq jasamaǵanyn alǵa tartqan.
Osyǵan baılanysty Túrkıanyń Gaaga elshisi Golandıa Syrtqy İster Mınıstrligine shaqyryldy, al HDP Adjardyń elden qýylý kerektigin talap etti. Syrtqa İster mınıstri Bert Koenders jáne Áleýmettik ister mınıstri Lodeveık Asher Májiliske joldaǵan hat arqyly Túrkıanyń Adjardy elge keri shaqyrǵanyn málimdedi. Adjardyń áreketteriniń «Golandıalyq azamattardyń ómirine quqyqsyz túrde qol suǵý» ekenin aıtqan eki mınıstr Túrkıa elshisi men Adjardyń qyzmetinen bosatylýy úshin «ortaq kelisimge» barǵanyn jetkizdi.