Qaraǵandylyq polıseıler qaıtys bolǵan eki jasar qyzynyń máıitin ata-anasy peshke jaǵyp jibergen dep kúdiktengen bolatyn. Kúdiktiler óz kinásin moıyndady dep habarlaıdy today.kz, málimettiń qazaqsha nusqasyn Qamshy portaly oqyrman nazaryna usynady.

Qazybek aýdandyq sot basqarmasy erli-zaıyptylardy túrmege qamaý jaıly úkim shyǵardy.

Tergeýdi júrgizý barysynda, 2016 jyldyń aqpan aıynda erli-zaıyptylar aıazda ólip qalǵan qyzdarynyń máıitin peshte órtep jibergen.

«Er adam Qaraǵandy men Úshtóbe aýylynyń arasyndaǵy uzaq jolmen eki jasar qyzymen birge aıdalada kele jatqan. Kishkentaı qyzy sharshap, artta qalyp qoıa bergendikten, ony dalaǵa tastap ketip qalǵan. Sol túni búldirshin aıazda úsip ólgen. Kelesi kúni qyzdyń ata-anasy ony tastap ketken jerge kelip, óli jatqan qyzdarynyń máıitin taýyp alǵan. Moıyndaryna jaýapkershilikti alýǵa qoryqqan olar úılerine kelip qyzdarynyń máıitin peshke jaǵyp jibergen», - dep málimdedi aqparat kózderi.  

Polısıa men áleýmettik qyzmetkerler joǵalyp ketken qyzǵa qatysty tergeý júrgizip, onyń ata-anasyn taýyp alǵan. Ol kezde qyzdyń anasy ekinshi balasyn bosanyp jatqan eken, qazir ol balaǵy alty aı tolypty.

Kishkentaı balalarynyń bolǵanyna qaramastan, Qazybek aýdandyq soty erli-zaıyptylardy bas bostandyǵynan aıyrý jaıly sheshim qabyldaǵan. Kishkentaı búldirshin áleýmettik qyzmetkerlerdiń qaramaǵyna ótip, jetimder úıine tapsyryldy.