Esikte Jibek Mýsınany zorlaǵandarǵa qatysty sot sheshimin qaıta qaraýdy surap bir top adam zańsyz mıtıńige shyqty dep habarlaıdy nur.kz. Olar sottalǵandardyń týystary, dostary, kórshileri men tanystary eken. Aýyl meshitinde ótken mıtıńige jergilikti ákim Bolat Jaqsybaev kelip, jınalǵan qyryq shaqty adamǵa qoǵamdyq tártipti buzyp otyrǵanyn túsindirýge tyrysqan.

Zańsyz uıymdastyrylǵan mıtıńige polıseılerde keldi. Olar jınalǵandardy úıine qaıtýǵa shaqyrdy. Top ishinde isti qaıta qaramasa ózin órteıtinin aıtqandar da boldy.  

Sottalǵandardyń biri Almas Ermekovtiń anasy, sottyń nelikten Jibek Mýsınanyń paıdasyna sheshilgendigine qatysty óz oıyn bildirdi.

«Ne molchı.kz» («Úndeme.kz») qozǵalysy Batystan qarjylandyrylady. Ol tyrnaqshanyń ishinde femınızmdi dáripteıdi. Qazaqstanda ony prodúser Dına Táńsári basqarady. Ol 20 jyl buryn toppen zorlaýdyń qurbany bolǵanyn aıtqannan keıin «Ne molchı.kz»-ke jańa «qurbandar» kerek boldy jáne 4 jigit qurban boldy da. Tańsári kásibı túrde «zorlaýshylarǵa» qarsy aqparattyq kompanıa uıymdastyrdy. Olardyń esimderi men fotolary da jarıalandy» deıdi ol.

Esik qalasynyń turǵyny Jibek Mýsınany 4 jigit zorlap, aıyptylar sottalyp ketkenin eske salamyz.