Reseı Prezıdenti Vladımırovıch Pýtın amerıkalyq saıasatkerlerdiń ózin aıyptaǵany jaıly málimdedi. AQSH-tyń Dempartıasy prezıdenttik saılaýda jeńilis tapqandyqtaryn moıyndaı almaı, shet jaqtan kinálilerdi izdeı bastaǵan dep habarlaıdy www.bbc.com, málimettiń qazaqsha nusqasyn «Qamshy» portaly oqyrman nazaryna usynady.

Jyl saıyn bolatyn pres-konferensıada Pýtın «Reseılik hakerlerdiń AQSH-taǵy prezıdenttik saılaýǵa qatysy bar ma jáne  olarǵa buıryq bergen rasymen de siz be?» degen tilshilerdiń suraǵyna «Jeńilgen adam árqashan da kináni shetten izdeıdi» - dep jaýap berdi.

Pýtınniń aıtýyna qaraǵanda, ol Demokratıalyq partıanyń serverine hakerlerdiń buzyp kirgenin bilgen, alaıda ol hakerler naqty Reseıden ekendigin aıǵaqtaıtyn eshqandaı da dáleldiń joq ekendigin aıtty. «Olar qandaı hakerler ekenin kim biledi? Nege Reseılik hakerler deısińder?», - dep málimdedi Reseı prezıdenti.

Pýtın ózine Barak Obama  hakerlik shabýyldy doǵarsyn dep telefon arqyly habarlasqany jaıly suraqtarǵa jaýap berýden bas tartty.

Onyń aıtýynsha, telefonmen jeke bolǵan áńgimeni jurtqa jarıa etpeıdi eken. Birneshe kún buryn prezıdenttiń pres-hatshysy Dmıtrıı Peskov Pýtın men Obama arasyndaǵy áńgimeniń bolǵandyǵyn jáne de oǵan elektrondy baılanys júıesi qosylmaǵandyǵyn aıtqan bolatyn.

Pýtınniń: «AQSH-tyń jańa prezıdenti Donald Tramp qoǵamnyń kóńil kúıin tez baıqap, soǵan sáıkes jumys isteı bastady. Onyń jeńetinine bizden basqa eshkim de sengen joq, alaıda ol sońyna deıin bardy», - dep málimdedi.

Saıasatker Konstantın Kalachev: «Pýtın mundaı suraqtardy unatady dep esepteıdi. Ásirese, halyqtyń  34% ony qoldaıtynyna rıza. Barak Obamanyń júıedegi máseleleri jaıly aıtqandy jaqsy kóredi. Ol Obamadan ozyp ketti»

Saılaý ótip jatqan kezde hakerler AQSH-taǵy Dempartıalyq kompanıanyń serverin buzyp, ishine engen de, qupıa hattaryn ınternetke jarıalaǵan. AQSH-tyń arnaıy qyzmeti bul hakerlik shabýyl Reseı tarapynan jasalǵan degen sheshimge keldi. 

Aýdarǵan: Nazerke Labıhan