MS Saılaýbek óziniń ınstagram paraqshasynda halyqtan 2 mıllıon teńge jınap berýin surady. «Qazaqsha floý» atty beıne klıpke qarjy tappaǵan Saılaýbek ınstagramdaǵy 86 myń oqyrmanynyń árqaısysy 23 teńgeden jınap berse, qarjynyń jartysy kameraǵa, bir bóligi klıp túsiriletin ǵımarat pen jaryqtandyrý quraldaryna jumsalatynyn jazdy.
«Qurmetti QAZAQSTANDYQTAR! Biz sizderge qarjylyq kómek surap jazyp otyrmyz. Ol qarajat beınebaıan túsirý men ony mýzykalyq telearnalar men áleýmettik jelilerge shyǵarýǵa jumsalady. Jetpeı turǵan somma kólemi – 2 mıllıon teńge» deıdi ǵalamtor juldyzy Saılaýbek.
23 teńgeni jibergen adamnyń aty-jónin beınebaıannyń tıtryna qosýǵa ýáde etti.
Jazbasynyń astyna karta nómirin de jazypty.
