Kım De Atta esimdi brıtandyq áıel sırek kezdesetin aýrýmen aýyrady. Onyń symsyz ınternetke jáne uıaly baılanys ornaǵan jelilerge alergıasy bar. Onyń 3G ustaıtyn aýmaqtarda basy qatty aýyra bastaıdy. De Atta arnaıy tormen qorshalǵan úıinen shyqpaýdy durys sanaıdy, dep habarlaıdy Metro.

Elektromagnıttik tolqyndarǵa alergıasy bar burynǵy medbıke úıden shyǵý úshin arnaıy qalqalaý shlemderin kıýge májbúr. Osy aýrýy úshin oǵan eki márte turǵyn úıin aýystyrýǵa, baılanys jelileri ustamaıtyn jaqqa kóshýge týra kelgen.

«Kóp adamdar meni esinen aljasqan dep oılaıdy. Olar meniń qandaı kúı keship júrgenimdi elestete almaıdy», – dep málimdedi De Atta.

Kım 16 jasynan beri elektromagnıttik tolqyndarǵa alergıadan zardap shegip keledi. Ol Londonda turyp, ózin únemi nashar sezinetin.  

Mundaı máselemen qıyndyq kóretin tek brıtandyq ǵana emes. Buǵan deıin 2015 jyly amerıkalyq oqýshy qyz Wi-fi sáýlelerinen endigi kúrese almaıtynyn aıtyp, óz-ózine qol jumsaǵan bolatyn.