Joǵary sottyń apelásıalyq ınstansıasy Toqtar Tóleshov pen istiń ózge fıgýranttaryna qatysty qylmystyq isti qarady, - dep habarlaıdy Tengrinews.kz tilshisi QR Joǵarǵy sotynyń baspasóz qyzmetine silteme jasap. 

"İs apelásıalyq ınstansıaǵa I.J. Baqtybaev, S.V.Koltakov, B.S.Jumın men K.K.Pernebaeva, sottalýshylardyń qorǵaýshylary -  Tóleshevtiń múddesin qorǵaıtyn M.A.Jaqypova, Baqtybaevtyń múddesin qorǵaıtyn S.S.Hamıdýlına, Dosqalıevtiń múddesin qorǵaıtyn I. V. Spırıdonova, sottalýshy Pernebaevtyń múddesin qorǵaıtyn A.A.Ablabekovanyń shaǵymdary kelip tústi", - dep atap ótti sotttyń baspasóz qyzmetiniń ókilderi.

Apelásıalyq sot alqasynyń qaýlysymen  B.S.Jýmın, K.K.Pernebaev pen K.A.Ysqaqovqa qatysty aýdanaralyq qylmystyq ister jónindegi arnaıy sotynyń úkimi raqymshylyq aktine baılanysty ózgertildi.

"Sottalýshy B.S.Jýmın men K.K.Pernebaevtyń ótelmegen merzimi QR 2016 jyldyń 13 jeltoqsanyndaǵy "Qazaqstan Respýbúlıkasynyń jıyrma bes jyldyǵyna oraı raqymshylyq jasaý týraly" zańynyń 4-babynyń 2-tarmaǵy negizinde tórtten birine qysqartyldy. Sottalýshy K.A.Ysqaqov "Qazaqstan Respýbúlıkasynyń jıyrma bes jyldyǵyna oraı raqymshylyq jasaý týraly" zańynyń 2-babynyń 3-tarmaǵynyń 2-tarmaqshasy negizinde jazasyn óteýden bosatyldy. Jazanyń basqa tustary ózgerissiz qaldy", -delingen sot habarlamasynda.

Apelásıalyq ınstansıa Toqtar Tóleshovtiń advokaty bergen shaǵymdy qanaǵattandyrmady. Sottalǵan bıznesmenge qatysty jaza sol kúıinde qaldy.